Santiago incorpórase á Asociación de municipios do Camiño mediante a aprobación dos Estatutos do Observatorio Xacobeo
29/05/2013 O concelleiro de Relacións Institucionais, Francisco Noya, presentou en rolda de prensa o acordo polo que se decide adoptar a participación de Compostela nesta Rede de irmandade xacobea.
O 25 de novembro de 2011, a iniciativa da Asociación de Amigos del Camino de Santiago de Jaca, asinouse nesta cidade a adhesión de varios concellos ao Protocolo para a constitución do Observatorio Xacobeo. Astorga, Burgos, Logroño, Jaca, Pamplona e Santiago de Compostela foron as primeiras. Dende entón e ata o de agora sumáronse Estella-Lizarra, Sarria, Portomarín, Ponferrada, Mansilla de las Mulas, Sangüesa e León, sendo un total de 13 cidades.A finalidade deste Observatorio Xacobeo é a de crear un espazo de encontro e de desenvolvemento que sexa común a todas as cidades que foron nacendo o longo do Camiño de Santiago. Persegue a creación dunha nova cultura xacobea da cooperación intermunicipal, máis aló dos límites autonómicos e tendo por protagonistas ás administracións locais.
O Pleno de mañá ten previsto aprobar os Estatutos e a adhesión do Concello á Asociación de Municipios do Camiño de Santiago.