BENESTAR SOCIAL
Os temas abordados durante estes obradoiros foron moi variados, centrándose en materias como: os estereotipos sobre a xubilación e a vellez, o concepto do tempo, a saúde e o desenvolvemento persoal, a xubilación e os trocos económicos, o sistema de pensións públicas, os ingresos complementarios ás pensións públicas, o gasto cotiá, o excedente do tempo, a madurez activa ou o crecemento persoal.
Acudiron a estes obradoiros 14 persoas de idade comprendidas entre os 65 e os 80 anos de idade. Os participantes amosáronse satisfeitos da experiencia, segundo reflicten as enquisas ás que responderon de forma anónima e voluntaria. Así, ante a pregunta sobre o nivel de satisfacción respecto o obradoiro, o 98,00 % respondeu moi ben e o 2,00% ben. Ninguén elixiu as opcións de regular, mal ou moi mal.
Esta iniciativa está incluída na medida denominada Programas de dinamización social, igualdade de oportunidades, formación e educación de colectivos en risco de exclusión no marco do Proxecto Urbana Santiago Norte, cofinanciado polo Fondo Europeo de Desenvolvemento Rexional (FEDER).
Clausurados na Trisca os obradoiros para maiores de 60 anos "Positivíza-T"
14/05/2013 O Centro Sociocultural da Trisca acolleu, coa presenza da concelleira de Benestar Social, María Castelao, a clausura e entrega de diplomas aos participantes nos obradoiros "Positivíza-T: Programa de Prevención do Envellecemento Pasivo", que se viñeron desenvolvendo os días 23 e 30 de abril e 7 e 14 de maio. Foron impartidos polo Equipo de Dinamización Social Urbana Santiago Norte – Servizos Sociais en colaboración co CSC.
Estes obradoiros tiñan a finalidade de ofrecer unha formación específica destinada ás persoas maiores co ánimo de sensibilizar, preparar e axudar á difusión do crecemento da persoa nesta etapa posterior a xubilación, que abre uns horizontes moi positivos e saudables para a súa participación na comunidade e na sociedade na que conviven. Nestas xornadas prestóuselle axudas a estas persoas na procura do seu propio desenvolvemento persoal neste período das súas vidas, reforzando a figura da persoa maior activa a través de técnicas específicas, fundamentalmente o voluntariado, a animación sociocultural e o desenvolvemento comunitario.Os temas abordados durante estes obradoiros foron moi variados, centrándose en materias como: os estereotipos sobre a xubilación e a vellez, o concepto do tempo, a saúde e o desenvolvemento persoal, a xubilación e os trocos económicos, o sistema de pensións públicas, os ingresos complementarios ás pensións públicas, o gasto cotiá, o excedente do tempo, a madurez activa ou o crecemento persoal.
Acudiron a estes obradoiros 14 persoas de idade comprendidas entre os 65 e os 80 anos de idade. Os participantes amosáronse satisfeitos da experiencia, segundo reflicten as enquisas ás que responderon de forma anónima e voluntaria. Así, ante a pregunta sobre o nivel de satisfacción respecto o obradoiro, o 98,00 % respondeu moi ben e o 2,00% ben. Ninguén elixiu as opcións de regular, mal ou moi mal.
Esta iniciativa está incluída na medida denominada Programas de dinamización social, igualdade de oportunidades, formación e educación de colectivos en risco de exclusión no marco do Proxecto Urbana Santiago Norte, cofinanciado polo Fondo Europeo de Desenvolvemento Rexional (FEDER).