CULTURA
O espectáculo é para títeres de mesa con técnica mixta (siluetas, bocóns, obxectos e outros). A duración do espectáculo é de 60 minutos. Está dirixido a público familiar, de maneira que o goce será maior na medida en que acudan os nenos cos seus pais, cos seus irmáns máis vellos ou cos avós.
No espectáculo soa completa a suite do Crebanoces de Chaikowski. Durante a execución da música hai pantomimas dos bonecos, e entre unha e outra parte musical hai escenas con partes faladas dos bonecos e narración cara ao público. A idea do espectáculo xorde do concerto didáctico sobre o Crebanoces de Chaikovski no que Santi Prego traballa en Nadal do 2008 en combinación coa Banda Municipal de Música de Santiago de Compostela.
"O Crebanoces" de Chaikovski pola Banda Municipal de Música e Títeres con Sacha
13/03/2013 O director-xerente do Auditorio de Galicia, José Victor Carou, presentou a representación de O Crebanoces de Chaikovski, un programa que conta coa Banda Municipal de Música e Títeres con Sacha, dentro do ciclo Infantil e Familiar. Na rolda estiverón tamén X. Carlos Seráns, director da Banda; Larraitz Urruzola, responsable da coordinación; e José Luis López "Sacha", actor. O espectáculo para títeres de mesa, dirixido a público familiar, será o domingo 17 de marzo, ás 12:30 horas, no Teatro Principal. Está recomendado para nenos partir de 3 anos e a entrada é de balde ata completar aforo.
O Crebanoces narra como na noite de Nadal o padriño regálalle á pequena Clara un crebanoces con forma de boneco. De tanto partir noces, o boneco acaba rompendo, e Clara desgústase moito. Para consolala, o padriño contaralle a historia do boneco Crebanoces, xa que o Crebanoces en realidade é un valente personaxe que loitou co seu exército de xoguetes contra a raíña dos ratos.O espectáculo é para títeres de mesa con técnica mixta (siluetas, bocóns, obxectos e outros). A duración do espectáculo é de 60 minutos. Está dirixido a público familiar, de maneira que o goce será maior na medida en que acudan os nenos cos seus pais, cos seus irmáns máis vellos ou cos avós.
No espectáculo soa completa a suite do Crebanoces de Chaikowski. Durante a execución da música hai pantomimas dos bonecos, e entre unha e outra parte musical hai escenas con partes faladas dos bonecos e narración cara ao público. A idea do espectáculo xorde do concerto didáctico sobre o Crebanoces de Chaikovski no que Santi Prego traballa en Nadal do 2008 en combinación coa Banda Municipal de Música de Santiago de Compostela.