ECONOMÍA
O curso, gratuíto, desenvolverase o próximo 13 de marzo no Cersia, en horario de 10:00 a 14:00 e de 16:00 a 20:00 horas. A inscrición pode facerse a través da web www.cersiaempresa.org. Para máis información pode chamarse ao 981 542 493.
Ábrese o prazo para inscribirse no curso para emprendedores "O marco persoal: aprendendo a xestionar a vida con talento"
06/03/2013 A Concellería de Economía, dentro do programa Santiago Investors Support para fomentar o tecido empresarial e a cultura emprendedora da cidade, organiza o curso O marco persoal: aprendendo a xestionar a vida con talento, dirixido a persoas emprendedoras, traballadores en activo do tecido empresarial de Santiago, persoas desempregadas e estudantes.
O obxectivo do curso é amosar a importancia que ten saber promocionarse un mesmo, poñendo en valor as propias capacidades. Estrutúrase en oito apartados: Coñécete a ti mesmo; Define a túa marca; As relacións correctas; Talento, misión e coraxe; Aprende a ser diferente; Reputación, imaxe e posicionamento; Liderado e poder; Arquitectura e estratexia persoal.O curso, gratuíto, desenvolverase o próximo 13 de marzo no Cersia, en horario de 10:00 a 14:00 e de 16:00 a 20:00 horas. A inscrición pode facerse a través da web www.cersiaempresa.org. Para máis información pode chamarse ao 981 542 493.