PREMIOS
Fademga entregou os premios das ligas Special Olympics Galicia 2012
15/12/2012 O Club Deportivo Fademga, coa promoción de Special Olympics Galicia e a colaboración do Colexio La Salle, celebrou o acto de entrega de premios das ligas de fútbol sala e baloncesto 2012. Os concelleiros de Mobilidade, Albino Vázquez, e de Deportes, Adrián Varela, participaron nesta Gala do Deporte.
Centos de persoas con discapacidade intelectual, acompañadas de adestradores, déronse cita no Colexio de La Salle para celebrar este acto, que puxo fin ás ligas Special Olympics Galicia 2012, competicións que se organizan durante todo o ano en diferentes localidades galegas. A través da celebración destas ligas, Special Olympics Galicia anima a todas as persoas con discapacidade intelectual a practicar deporte, deixando de lado as diferentes limitacións e priorizando e fomentando as cualidades de cada atleta.