Noticias

CENTROS SOCIOCULTURAIS

A Concellería de Centros Socioculturais promove 14 obradoiros de achegamento á lingua e á cultura doutros países

04/12/2012 O concelleiro de Centros Socioculturais, Francisco Noya, presentou os 14 obradoiros de lenguas e culturas promovidos polo seu Departamento para o 2013. Estes talleres serán un espazo educativo para aqueles que se queiran achegar dun modo práctico a culturas como a chinesa, a árabe, a alemá, a rusa, a anglosaxona ou a americana. O prazo de preinscrición ábrese o mércores 5 de decembro.

Os destinatarios destes cursos son persoas con idades a partir dos 16 anos, empadroadas en Santiago e que non teñan coñecementos previos das linguas. Haberá tamén un obradoiro infantil de lingua anglosaxona e americana, no CSC de Conxo para nenos de 5 a 10 anos

Os obradoiros desenvolveranse de xaneiro a xuño 2013 nos centros socioculturais do Ensanche, Castiñeiriño, Vite, Conxo, As Fontiñas e Santa Marta. No caso dos obradoiros deste último centro, a actividade comezará no segundo trimestre de 2013.

As sesións dos obradoiros desenvolveranse con metodoloxía participativa e activa, propiciando o aprendizaxe práctica e vinculante, como ferramenta inicial para estimular no participante o desexo de afondar no idioma. Empregarase internet como recurso pedagóxico.

Prazo de preinscrición
Os interesados teñen do 5 ao 13 de decembro para anotarse no centro sociocultural onde se desenvolva a actividade. O 18 de decembro publicaranse as listas provisionais e o 20 realizarase o sorteo público de prazas e a publicación de listas de admitidos. A partir do 21 de decembro abrirase un prazo extraordinariao para cubrir vacantes se as houbese. Do 2 ao 8 de xaneiro, os admitidos deberán formalizar a matrícula. Cada curso, de carácter trimestral, ten un prezo de 42 euros.

Obradoiros de inglés
Estes obradoiros veñen a completar a oferta que durante o curso 2012-2013 se está a desenvolver nos centros socioculturais, con accións socioeducativas, destinadas fundamentalmente a nenos, de achegamento á lingua inglesa cunha metodoloxía eminentemente lúdica. Ademais, no marco do programa do Servizo de Voluntariado Europeo(SVE), nos CSC de Vite e Fontiñas, mozos europeos realizan tamén accións lúdicas en lingua inglesa e francesa.

Hai máis de 15 talleres regulares de lingua inglesa que se desenvolven dende outubro de 2012 ata xuño do 2013, nos centros socioculturais da Gracia, Bando, As Cancelas, Casa Agraria, Casco Histórico, Castiñeiriño, Figueiras, Marrozos, Sar, A Trisca, Villestro, Vite, Pontepedriña, Vidán e A Almáciga, algúns deles complementados con accións propias das asociacións de veciños.

Actividades 2013
Francisco Noya aproveitou a rolda de prensa para informar tamén da apertura do prazo de preinscrición nas novas actividades previstas para o curso 2013. Do 5 a0 13 de decembro estará aberto prazo e o 18 de decembro publicaranse as listas provisionais. De ser necesario o sorteo de prazas realizarase o 20 de decembro, abríndose o 21 de decembro o prazo extraordinario para cubrir vacantes se as houbera. Do 2 ao 8 de xaneiro 2013 formalizarase a matrícula entregando o xustificante de pago no centro onde se realiza a actividade.

E para as actividades de continuación ábrese un prazo de confirmación de reserva de praza tamén do 5 ao 13 de decembro. Neste caso será preciso indicarllo ao monitor da actividade. Os interesados poden consultar as actividades da nova programación achegándose aos centros socioculturais e na propia web de Centros Socioculturais.