MERCADOS
O Concello informa aos vendedores ambulantes dos cambios previstos na nova ordenanza reguladora deste tipo de comercio
10/10/2012 Unha representación do colectivo de vendedores ambulantes mantivo unha reunión coa concelleira de Comercio e Mercados, Reyes Leis, que os informou das novidades da nova ordenanza que regulará este tipo de comercio. A norma será previsiblemente sometida á aprobación do Pleno na sesión ordinaria de finais deste mes de outubro.
A concelleira detalloulles algunhas das novidades da ordenanza, como a autorización da venda de produtos alimentarios ou o cambio no sistema de renovación de postos. Os representantes dos vendedores ambulantes –Enrique Rosillo, Emilio Jiménez, Fortunato Jiménez e Liste García- tamén lle expresaron a Reyes Leis e ao concelleiro de Barrios, Juan de la Fuente, algúns dos problemas que teñen no mercado de Salgueiriños, como as filtracións de auga.