ALCALDÍA
Jean Nouvel explicou os detalles do proxecto. En particular, salientou o respecto que o proxecto de acondicionamento ten cara a vexetación existente e que intentará conservar tódalas especies posibles. No tocante ó palacete, apuntou que o seu interior deixará ver "unha arquitectura contemporánea que integra trazos do pasado".
Recuperación do parque
A actuación na Finca do Espiño pretende recuperar o valor deste espazo natural e da antiga horta do Palacete despois de anos de abandono e de crecemento sen control da vexetación. Para o acondicionamento deste parque destinaranse 950.000 euros.
O proxecto recuperará para o goce dos cidadáns os percorridos existentes no xardín-monte e desenvolve itinerarios con zonas de descanso e vistas sobre o contorno. Estes espazos contarán con mobiliario urbano para facer máis cómoda a estanza, e serán situados naquelas zonas en medio da carballeira onde se ve o ceo e entra o sol.
O resto da finca deixarase limpa e con plantación de especies de pradeira con floración en primavera e verán. Tamén se urbanizará a zona da rúa Carmen de Abaixo e da de Monte Pío dotándoas de infraestruturas, de beirarúas e dun novo acceso ao parque. A pavimentación dos sendeiros será de xabre, e unicamente se empregarán os pavimentos duros nos accesos rodados e nos límites máis urbanos co contorno.
Realizarase o saneamento e a poda da vexetación existente conservando tódalas especies posibles e plantando outras novas no camiño de conexión coa urbanización privada, cara o oeste: especies de folla caduca, para facilitar o paseo en verán, baixo a sombra, e a entrada do sol en inverno. Baixo a carballeira e no entorno do palacete, manteranse as especies de hedra tapizante. Na zona agora descoidada, ao sur, atópase o espazo soleado de pradeira, no que se sementarán especies con floración, que engadirán cor en primavera e verán. A actuación complétase coa colocación de dous tipos de bancos e de dous tipos de alumeado.
Para uso administrativo
Pola súa parte, o palacete do Espiño será rehabilitado para destinalo a uso administrativo do Concello de Santiago. O proxecto contempla catro grandes salas polivalentes, dúas en cada plantas, e a recuperación do antigo oratorio coma salón de actos. Respecto ó aspecto interior do edificio, Nouvel destacou a estruturación do edificio en distintas caixas de vidro conectadas entre si e retranqueadas respecto aos muros orixinais. O investimento previsto para esta obra é de 1,26 millóns de euros.
Segundo se indica no propio proxecto, os arquitectos optaron por unha interpretación ruskiniana de a ruína, respectándoa, consolidándoa e, na medida do posible, dignificándoa. O proxecto desenvólvese basicamente en dúas plantas, cunha composición semellante, situando as grandes salas no norte e no sur, deixando os pequenos volumes do leste para as estanzas de servizo e de comunicación. Ao oeste recupérase a Capela como salón de actos. Finalmente dispóñense unhas terrazas nas cubertas dos distintos volumes, que permitirán gozar de inmellorables vistas sobre o Casco Histórico de Santiago. Nunha terceira planta sitúase unha sala de reunións máis reservada.
Jean Nouvel, o encargado de rehabilitar este palacete, é un dos arquitectos máis prestixiosos do mundo e entre as súas obras figuran algunhas coma a Torre Agbar de Barcelona ou a ampliación do Museo Reina Sofía de Madrid.
Sánchez Bugallo e Jean Nouvel presentan o proxecto da Finca do Espiño
05/05/2006 O arquitecto Jean Nouvel e o alcalde de Santiago presentaron en rolda de prensa o proxecto de acondicionamento da Finca do Espiño como parque público e de rehabilitación do seu palacete. Esta actuación permitirá recuperar para o goce dos composteláns unha superficie verde de 18.000 metros cadrados e un edificio con máis de cen anos de historia.
Segundo explicou Sánchez Bugallo, o proxecto estrutúrase en dúas fases. "Primeiro desenvolverase un labor de limpeza, porque gran parte da edificación está tapada pola vexetación", sinalou. Posteriormente, acometerase a obra, que "podería sufrir quizais algún axuste" en función do resultado da primeira fase, que se prevé que comece antes do verán.Jean Nouvel explicou os detalles do proxecto. En particular, salientou o respecto que o proxecto de acondicionamento ten cara a vexetación existente e que intentará conservar tódalas especies posibles. No tocante ó palacete, apuntou que o seu interior deixará ver "unha arquitectura contemporánea que integra trazos do pasado".
Recuperación do parque
A actuación na Finca do Espiño pretende recuperar o valor deste espazo natural e da antiga horta do Palacete despois de anos de abandono e de crecemento sen control da vexetación. Para o acondicionamento deste parque destinaranse 950.000 euros.
O proxecto recuperará para o goce dos cidadáns os percorridos existentes no xardín-monte e desenvolve itinerarios con zonas de descanso e vistas sobre o contorno. Estes espazos contarán con mobiliario urbano para facer máis cómoda a estanza, e serán situados naquelas zonas en medio da carballeira onde se ve o ceo e entra o sol.
O resto da finca deixarase limpa e con plantación de especies de pradeira con floración en primavera e verán. Tamén se urbanizará a zona da rúa Carmen de Abaixo e da de Monte Pío dotándoas de infraestruturas, de beirarúas e dun novo acceso ao parque. A pavimentación dos sendeiros será de xabre, e unicamente se empregarán os pavimentos duros nos accesos rodados e nos límites máis urbanos co contorno.
Realizarase o saneamento e a poda da vexetación existente conservando tódalas especies posibles e plantando outras novas no camiño de conexión coa urbanización privada, cara o oeste: especies de folla caduca, para facilitar o paseo en verán, baixo a sombra, e a entrada do sol en inverno. Baixo a carballeira e no entorno do palacete, manteranse as especies de hedra tapizante. Na zona agora descoidada, ao sur, atópase o espazo soleado de pradeira, no que se sementarán especies con floración, que engadirán cor en primavera e verán. A actuación complétase coa colocación de dous tipos de bancos e de dous tipos de alumeado.
Para uso administrativo
Pola súa parte, o palacete do Espiño será rehabilitado para destinalo a uso administrativo do Concello de Santiago. O proxecto contempla catro grandes salas polivalentes, dúas en cada plantas, e a recuperación do antigo oratorio coma salón de actos. Respecto ó aspecto interior do edificio, Nouvel destacou a estruturación do edificio en distintas caixas de vidro conectadas entre si e retranqueadas respecto aos muros orixinais. O investimento previsto para esta obra é de 1,26 millóns de euros.
Segundo se indica no propio proxecto, os arquitectos optaron por unha interpretación ruskiniana de a ruína, respectándoa, consolidándoa e, na medida do posible, dignificándoa. O proxecto desenvólvese basicamente en dúas plantas, cunha composición semellante, situando as grandes salas no norte e no sur, deixando os pequenos volumes do leste para as estanzas de servizo e de comunicación. Ao oeste recupérase a Capela como salón de actos. Finalmente dispóñense unhas terrazas nas cubertas dos distintos volumes, que permitirán gozar de inmellorables vistas sobre o Casco Histórico de Santiago. Nunha terceira planta sitúase unha sala de reunións máis reservada.
Jean Nouvel, o encargado de rehabilitar este palacete, é un dos arquitectos máis prestixiosos do mundo e entre as súas obras figuran algunhas coma a Torre Agbar de Barcelona ou a ampliación do Museo Reina Sofía de Madrid.