PARTICIPACIÓN CIDADÁ
As obras no campanario, que serán executadas polo Consorcio de Santiago, durarán uns tres meses.
As obras de recuperación do campanario da igrexa de Laraño comezarán en setembro
19/08/2012 O concelleiro de Participación Cidadá e Centros Socioculturais, Francisco Noya, comunicoulle á asociación veciñal de Laraño e ao párroco que as obras de recuperación do campanario da igrexa parroquial comezarán a primeiros de setembro.
O edil realizou este anuncio aproveitando a súa presenza en Laraño para participar, portando unha das cintas do estandarte, na procesión de San Roque. Acompañouno o concelleiro Juan de la Fuente, que levou o devandito estandarte.As obras no campanario, que serán executadas polo Consorcio de Santiago, durarán uns tres meses.