EDUCACIÓN
Ademais, participaron en obradoiros de cociña, xogos de grupo e tradicionais, xogos de auga e bañáronse na piscina portátil que está instalada en cada un dos centros onde se realizan estas Escolas de Verán.
Os rapaces das Escolas de Verán convertéronse en pequenos científicos na primeira semana de actividades
06/07/2012 Na primeira semana das Escolas de Verán 2012, os nenos e nenas participantes tiveron a oportunidade de converterse en pequenos científicos grazas a unha serie de actividades en torno ao medio ambiente, a bioloxía, a astronomía e os inventos. O programa continúa ao longo do mes de xullo nos CEIP Raíña Fabiola, Ramón Cabanillas e Fontiñas. Asisten máis de 200 nenos e nenas.
A programación da semana coa visita do "Científico Tolo", unha personaxe divertida e despistada que lles explicou aos rapaces e rapazas as actividades que ao longo desa semana ían realizar. Estes tamén tiveron a oportunidade de realizar actividades relacionadas co medio ambiente, coa bioloxía (coñecemento dos animais de cada continente e dos océanos, a través da realización dun mural), coa astronomía (realización dunha maqueta dunha nave espacial) ou co mundo dos inventos, a través da fabricación dun reloxo de sol e dun pluviómetro.Ademais, participaron en obradoiros de cociña, xogos de grupo e tradicionais, xogos de auga e bañáronse na piscina portátil que está instalada en cada un dos centros onde se realizan estas Escolas de Verán.