CENTROS SOCIOCULTURAIS
O traslado da actividade ao CSC da Trisca supón, a maiores do aforro, vantaxes para os propios veciños de San Pedro, xa que agora disporán dun centro sociocultural máis grande e mellor equipado, e só a cen metros do local actual. Ademais, o local das Fraguas non cumpría coa normativa en materia de evacuación contra incendios e de acceso para discapacitados.
O Concello aforrará máis de 1.000 euros mensuais trasladando a actividade do local sociocultural de San Pedro ao CSC da Trisca
07/06/2012 A Xunta de Goberno aprobou, a proposta do concelleiro de Centros Socioculturais, Francisco Noya, a non renovación a partir de xullo do alugueiro do local sociocultural situado na rúa das Fraguas, no barrio de San Pedro, que viña sendo utilizado habitualmente pola Asociación de Veciños A Xuntanza. A actividade trasladarase ao Centro Sociocultural da Trisca, de titularidade municipal, aforrando deste xeito máis de 1.000 euros ao mes.
Este é o terceiro centro non que non se renova o aluguer e se traslada a actividade a un centro de titularidade municipal, tal como sucedera co local de Guadalupe (agora no CSC de Vite) e co da Almáciga, agora no local anexo ao CEIP Apóstolo Santiago. Deste xeito, indicou, "continúase coa política de aforro en alugueres naqueles casos onde se poidan substituír por locais municipais".O traslado da actividade ao CSC da Trisca supón, a maiores do aforro, vantaxes para os propios veciños de San Pedro, xa que agora disporán dun centro sociocultural máis grande e mellor equipado, e só a cen metros do local actual. Ademais, o local das Fraguas non cumpría coa normativa en materia de evacuación contra incendios e de acceso para discapacitados.