NORMALIZACIÓN LINGÜÍSTICA
Segundo manifestou Jesús Asorey, os Premios Manuel Beiras "xa son un referente na distinción empresarial do uso do galego. "A traxectoria dun emprendedor é unha encomenda difícil de levar adiante. Dedican moito tempo e esforzo para defender a súa empresa e loitar contra a competencia e os prezos de mercado. A pesar das dificultades, moitos destes empresarios sacan tempo para pensar nos detalles, ofrecendo ao cliente como valor engadido unha atención na nosa lingua galega", explica o presidente cameral.
Despois de estudar as candidaturas presentadas e das deliberacións oportunas, o xurado decidiu outorgar os Premios Manuel Beiras, nas categorías previstas nas bases da convocatoria, ás tres empresas que mellor reflicten a esencia desta distinción:
1.- A tenda O Gato Cósmico (rúa Concepción Arenal nº1 local 4) recibiu a distinción dentro da categoría de Incorporación ao uso do galego. Este establecemento ofrece cousas e deseños orixinais feitos por artistas de todos os recunchos do mundo, con toques de ilustración, arte urbano e materiais reciclados. Tamén aposta pola nova filosofía DIY (Do It Yourself) que converte ao consumidor en creador do produto final. O seu obxectivo co proxecto de Santiago é a busca da creación galega, dos novos artistas emerxentes (ogatocosmico.wordpress.com).
2.- Na categoría de Uso continuado da lingua galega, alzouse co galardón A clínica dermatolóxica Dermalar (rúa de Laverde Ruíz, 7 baixo e 1º F) . A clínica artéllase en dous niveis independentes e, á vez, complementarios: a consulta de dermatoloxía do Dr. Del Río, situada no primeiro andar para atender enfermidades da pel e de transmisión sexual, e a clínica Dermalar propiamente dita, ubicada no baixo do mesmo edificio, que dende 2006 traballa coas novas demandas médico-estéticas: láseres, tratamentos cosméticos, toxina botulínica ou a recuperación cutánea con ácido hialurónico (www.clinicadermalar.com).
3.- Finalmente, a Distinción especial recaeu na xuíza do Xulgado de Instrución número 1 de Santiago, Ana López-Suevos Fraguela, pola súa decidida aposta e uso do idioma galego en todas as súas intervencións públicas.
O premio ten un contido simbólico e non supón ningunha prestación económica. O motivo de premiar ás empresas radica en que son un sector económico de capital importancia para conseguir a normalización do idioma na vida cotiá. As empresas e comercios premiados poderán amosar nos seus establecementos a posesión deste galardón como unha garantía máis de que respectan o idioma da comunidade. De maneira simbólica, os premiados recibirán unha escultura de Acisclo Manzano deseñada, en exclusiva, para estes premios.
Dermalar, O Gato Cósmico e a xuíza Ana López-Suevos reciben os Premios Manuel Beiras polo uso do galego na súa actividade
15/12/2011 O Concello e a Cámara de Comercio de Santiago de Compostela entregaron os galardóns da décimo segunda edición dos Premios Manuel Beiras. No acto e recepción estiveron presentes o concelleiro de Normalización Lingüística, Ángel Currás; o presidente da Cámara de Comercio de Santiago, Jesús Asorey; e o vicepresidente da entidade cameral e presidente do xurado dos premios, Evaristo Rodríguez Carracedo; entre outras personalidades do mundo político, empresarial e cultural de Compostela.
O concelleiro de Cultura e Normalización Lingüística, Ángel Currás, salientou a importancia duns premios que implican o "recoñecemento ao esforzo das empresas compostelás no proceso de facer normal o emprego da nosa lingua". Para o edil, "o uso do galego nos distintos eidos da actividade empresarial supón non só un distintivo de marca senón tamén un instrumento social, cultural e educativo de grande importancia". Ademais, lembrou que con iniciativas como esta o Concello contribúe a dar cumprimento á Lei de Normalización Lingüística, que establece que as corporacións locais fomentarán o uso do galego no desenvolvemento das actividades mercantís.Segundo manifestou Jesús Asorey, os Premios Manuel Beiras "xa son un referente na distinción empresarial do uso do galego. "A traxectoria dun emprendedor é unha encomenda difícil de levar adiante. Dedican moito tempo e esforzo para defender a súa empresa e loitar contra a competencia e os prezos de mercado. A pesar das dificultades, moitos destes empresarios sacan tempo para pensar nos detalles, ofrecendo ao cliente como valor engadido unha atención na nosa lingua galega", explica o presidente cameral.
Despois de estudar as candidaturas presentadas e das deliberacións oportunas, o xurado decidiu outorgar os Premios Manuel Beiras, nas categorías previstas nas bases da convocatoria, ás tres empresas que mellor reflicten a esencia desta distinción:
1.- A tenda O Gato Cósmico (rúa Concepción Arenal nº1 local 4) recibiu a distinción dentro da categoría de Incorporación ao uso do galego. Este establecemento ofrece cousas e deseños orixinais feitos por artistas de todos os recunchos do mundo, con toques de ilustración, arte urbano e materiais reciclados. Tamén aposta pola nova filosofía DIY (Do It Yourself) que converte ao consumidor en creador do produto final. O seu obxectivo co proxecto de Santiago é a busca da creación galega, dos novos artistas emerxentes (ogatocosmico.wordpress.com).
2.- Na categoría de Uso continuado da lingua galega, alzouse co galardón A clínica dermatolóxica Dermalar (rúa de Laverde Ruíz, 7 baixo e 1º F) . A clínica artéllase en dous niveis independentes e, á vez, complementarios: a consulta de dermatoloxía do Dr. Del Río, situada no primeiro andar para atender enfermidades da pel e de transmisión sexual, e a clínica Dermalar propiamente dita, ubicada no baixo do mesmo edificio, que dende 2006 traballa coas novas demandas médico-estéticas: láseres, tratamentos cosméticos, toxina botulínica ou a recuperación cutánea con ácido hialurónico (www.clinicadermalar.com).
3.- Finalmente, a Distinción especial recaeu na xuíza do Xulgado de Instrución número 1 de Santiago, Ana López-Suevos Fraguela, pola súa decidida aposta e uso do idioma galego en todas as súas intervencións públicas.
O premio ten un contido simbólico e non supón ningunha prestación económica. O motivo de premiar ás empresas radica en que son un sector económico de capital importancia para conseguir a normalización do idioma na vida cotiá. As empresas e comercios premiados poderán amosar nos seus establecementos a posesión deste galardón como unha garantía máis de que respectan o idioma da comunidade. De maneira simbólica, os premiados recibirán unha escultura de Acisclo Manzano deseñada, en exclusiva, para estes premios.