FESTAS
Xa falando de Compostela, definiuna como unha "cidade na que o silencio é arte", onde ata a chuvia parece pedir permiso para caer". Por iso, animou os veciños a facer o Camiño "en silencio, a modiño". "Camiñemos en silencio, demostrando o espírito apacible que recomendaba o Apóstolo", insistiu.
Non obstante, liberou aos santiagueses dese compromiso co silencio durante as festas: "Durante estes días poderemos saltarnos un pouquiño esta apacibilidade, pois en ocasión tamén é necesaria a festa, a palabra un pouco máis alta do habitual. De feito, pode que só así valoremos a importancia do silencio". Iso si, encomendounos a divertirse con "moderación e civismo" e a recibir ao forasteiro con "hospitalidade".
Alfonso González pechou o seu pregón cunha mensaxe de optimismo. "Que estas festas sirvan tamén para que renovemos a nosa capacidade de soñar, para que non nos afundamos no mar da autocompasión, un mar no que, por certo, nada se pesca".
Alfonso González recomenda aos composteláns "camiñar en silencio" pola vida
21/07/2011 O limpabotas do aeroporto de Lavacolla, Alfonso González Puentes, abriu unha nova edición das Festas do Apóstolo co seu pregón. Os composteláns e visitantes que se achegaron ata a praza do Obradoiro puideron escoitar as palabras dun home entrañable e namorado da cidade e do silencio. Logo, a festa continuou na Quintana coa música de La Unión e El Pulpo.
Alfonso González, quen foi recibido en Raxoi polo alcalde, Xerardo Conde Roa, abriu a súa intervención cunha invocación ao Apóstolo e á súa intercesión para que "devolva a esperanza do traballo aos que o perderon, a saúde solidaria, universal e gratuíta para todos". Logo, o seu discurso foi un repaso pola súa traxectoria profesional e vital, da que destacou a afección pola lectura dos clásicos da literatura universal. As referencias foron constantes na súa intervención.Xa falando de Compostela, definiuna como unha "cidade na que o silencio é arte", onde ata a chuvia parece pedir permiso para caer". Por iso, animou os veciños a facer o Camiño "en silencio, a modiño". "Camiñemos en silencio, demostrando o espírito apacible que recomendaba o Apóstolo", insistiu.
Non obstante, liberou aos santiagueses dese compromiso co silencio durante as festas: "Durante estes días poderemos saltarnos un pouquiño esta apacibilidade, pois en ocasión tamén é necesaria a festa, a palabra un pouco máis alta do habitual. De feito, pode que só así valoremos a importancia do silencio". Iso si, encomendounos a divertirse con "moderación e civismo" e a recibir ao forasteiro con "hospitalidade".
Alfonso González pechou o seu pregón cunha mensaxe de optimismo. "Que estas festas sirvan tamén para que renovemos a nosa capacidade de soñar, para que non nos afundamos no mar da autocompasión, un mar no que, por certo, nada se pesca".