CULTURA
Un coello branco pasa por diante de Alicia, que se aburre. A ela non lle resulta moi estraño que o coello diga que vai chegar tarde e que consulte un reloxo de peto que leva no sombreiro. A través desa chisteira, Alicia inicia a súa viaxe máxica por un submundo que a leva a atoparse coa outra Alicia, esa nena ou ese neno que todos temos dentro, que vive nun país baseado nunha continua ilóxica capaz de marear a calquera lóxica, onde radica o seu sentido cómico.
Tras unha longa caída, nada ten sentido. Alicia medra e mingua, as carreiras e os partidos de croquet non teñen regras, un rato conta unha historia seca, un leirón conta unha historia breve, unha eiruga azul fuma en narguilé, un gato aparece e desaparece, a Raíña de Corazóns só pensa en cortar cabezas e os seus naipes só queren compracela, para a Duquesa todo ten que ter unha moral... Alicia comeza a dubidar de quen vén sendo, de cal é o verdadeiro mundo que a rodea, da sociedade en que lle tocou vivir. Ata que esperta do soño. Ou é que en realidade sempre soñamos co mesmo?
A Producións Artísticas presenta "Alicia&Alicia" no Teatro Principal
18/05/2011 Alicia&Alicia, de Paula Carballeira, é a obra que poñerá sobre as táboas do Principal A Producións Artísticas o xoves 19 e o venres 20, a partir das 21:00 horas. Trátase dun espectáculo de teatro e danza apoiado en audiovisuais que programa a Concellaría de Cultura e Centros Socioculturais en colaboración coa Rede Galega de Teatros e Auditorios. As entradas están xa á venda na web e teléfono de Caixa Galicia, así como na billeteira do Teatro o propio día da función a un prezo de 7 euros butaca, platea e primeira planta; 5 euros na segunda planta; e 3 euros no anfiteatro
Esta nova montaxe de A Producións Artísticas convida a reflexionar sobre a actualidade. Para a súa posta en escena partiuse dunha adaptación na linguaxe de narración infantil utilizada no clásico de Lewis Carroll, para enfrontala cunha linguaxe estética, musical, coreográfica e audiovisual para adultos, esta última representada nun submundo do onírico, da cultura popular, movementos socioculturais, tribos urbanas, correntes éticas e estéticas... O punk mesturado co grunge, o glam co movemento hippy, unións imposibles, mutantes que na vida real non poderían convivir, coexisten neste submundo dun xeito natural.Un coello branco pasa por diante de Alicia, que se aburre. A ela non lle resulta moi estraño que o coello diga que vai chegar tarde e que consulte un reloxo de peto que leva no sombreiro. A través desa chisteira, Alicia inicia a súa viaxe máxica por un submundo que a leva a atoparse coa outra Alicia, esa nena ou ese neno que todos temos dentro, que vive nun país baseado nunha continua ilóxica capaz de marear a calquera lóxica, onde radica o seu sentido cómico.
Tras unha longa caída, nada ten sentido. Alicia medra e mingua, as carreiras e os partidos de croquet non teñen regras, un rato conta unha historia seca, un leirón conta unha historia breve, unha eiruga azul fuma en narguilé, un gato aparece e desaparece, a Raíña de Corazóns só pensa en cortar cabezas e os seus naipes só queren compracela, para a Duquesa todo ten que ter unha moral... Alicia comeza a dubidar de quen vén sendo, de cal é o verdadeiro mundo que a rodea, da sociedade en que lle tocou vivir. Ata que esperta do soño. Ou é que en realidade sempre soñamos co mesmo?