AUDITORIO DE GALICIA
Desde hai vinte anos, Isabel Muñoz, nada en Barcelona en 1950, percorre o mundo para plasmar en imaxes os movementos e os corpos que atopa tentado recoller a súa plasticidade e a súa textura. Así, esté en Cuba ou en África, constrúe unha xeografía dos corpos que a devolve sempre aos ballets clásicos ou contemporáneos de Madrid e que ela acaricia cunha mirada tan amorosa como esixente.
Esta exhibición, formada por máis de setenta fotografías, coincide coa súa presenza en ARCO na galería Mário Sequeira.
Na inauguración a artista non só estará acompañada polo concelleiro de Cultura senón que tamén asistirán o presidente da editorial Lunwerg, Juan Carlos Luna, e a responsable de exposicións da mesma editorial, Carmen García Álvarez.
A mostra poderase visitar todos os días en horario de 10.00 a 14.00 horas e de 16.00 a 19.00 horas.
O Auditorio de Galicia acollerá a exposición Isabel Muñoz
10/02/2006 Dende o sábado 11 de febreiro e ata o 16 de abril o Auditorio de Galicia acollerá a exposición Isabel Muñoz. A inauguración, que contará coa presenza do concelleiro de Cultura, Néstor Rego, terá lugar o vindeiro sábado 11 de febreiro ás 13.30 horas.
Isabel Muñoz é a fotógrafa do corpo. Na súa arte a sensualidade, o pracer e o desexo quedan atrapados nun clic. Sexan imaxes completas ou fragmentos de persoas, as súas fotografías en branco e negro sempre teñen unha gran forza e beleza. Como a propia autora afirmou nalgunha ocasión, "cando estamos diante dunha destas imaxes apetécenos tocalas cos ollos ademais de coa man".Desde hai vinte anos, Isabel Muñoz, nada en Barcelona en 1950, percorre o mundo para plasmar en imaxes os movementos e os corpos que atopa tentado recoller a súa plasticidade e a súa textura. Así, esté en Cuba ou en África, constrúe unha xeografía dos corpos que a devolve sempre aos ballets clásicos ou contemporáneos de Madrid e que ela acaricia cunha mirada tan amorosa como esixente.
Esta exhibición, formada por máis de setenta fotografías, coincide coa súa presenza en ARCO na galería Mário Sequeira.
Na inauguración a artista non só estará acompañada polo concelleiro de Cultura senón que tamén asistirán o presidente da editorial Lunwerg, Juan Carlos Luna, e a responsable de exposicións da mesma editorial, Carmen García Álvarez.
A mostra poderase visitar todos os días en horario de 10.00 a 14.00 horas e de 16.00 a 19.00 horas.