CONSORCIO
O obxectivo é formar man de obra precisa, xerando emprego estable e cualificado para responder á demanda real de mantemento especializado destes lousados, transcendentais no espazo público de Santiago e doutras cidades e vilas galegas. No obradoiro, situado na horta do Mosteiro de San Martiño Pinario, participan nove alumnos tutelados por tres docentes.
Este obradoiro de emprego enmárcase no proxecto A pedra que pisas, conxunto de iniciativas para a conservación dos pavimentos históricos de Santiago de Compostela.
Comeza o cuarto Obradoiro de Emprego "Lousados de Compostela"
28/12/2010 O Obradoiro de Emprego Lousados de Compostela acaba de arrincar na súa cuarta edición coas clases teóricas de formación. Dende este mes de decembro, e durante ano, un total de nove alumnos recibirán formación especializada en materia de conservación de pavimentos históricos de pedra. A iniciativa está promovida polo Consorcio de Santiago e a Fundación Laboral da Construcción de Galicia, e conta co apoio financeiro da Xunta de Galicia e do Fondo Social Europeo.
Durante o obradoiro os alumnos especializaranse na técnica do mantemento e conservación dos lousados de pedra, á vez que desenvolverán clases teóricas e prácticas de cantería, o que permite a recuperación deste oficio tradicional, de grande significado na cidade histórica de Santiago.O obxectivo é formar man de obra precisa, xerando emprego estable e cualificado para responder á demanda real de mantemento especializado destes lousados, transcendentais no espazo público de Santiago e doutras cidades e vilas galegas. No obradoiro, situado na horta do Mosteiro de San Martiño Pinario, participan nove alumnos tutelados por tres docentes.
Este obradoiro de emprego enmárcase no proxecto A pedra que pisas, conxunto de iniciativas para a conservación dos pavimentos históricos de Santiago de Compostela.