SERVIZOS

Ampliación do horario de apertura do cemiterio e reforzo do transporte urbano con motivo de Todos os Santos e Defuntos

29/10/2010 Por mor das festividades de Todos os Santos e Defuntos, o horario de apertura do cemiterio de Boisaca será de 9.00 a 19.00 horas ata o 2 de novembro. Ademais, polo notable incremento de visitantes deste cemiterio nestas datas, reforzarase o servizo de transporte urbano os días 30 e 31 de outubro e 1 de novembro.

Nos nove primeiros meses de 2010, o cemiterio de Boisaca rexistrou un total de 300 inhumacións e 44 incineracións. Na totalidade do 2009 realizáranse 420 inhumacións e 74 incineracións.

Os datos xerais do cemiterio indican que na actualidade conta con 8.659 sepulturas, 2.433 nichos e 168 panteóns construídos. Ata o 30 de setembro, houbo un total de 58 novas ocupacións: 29 nichos en aluguer, 10 nichos en concesión, 17 sepulturas en concesión e 2 cinerarios en concesión. En todo 2009 foran 97 as novas ocupacións.

Nestes intres están libres 59 nichos, 370 nichos cinerarios e 147 sepulturas a construír. O cemiterio de Boisaca ten unha superficie total de 66.000 metros cadrados, dos cales 2.800 son terreo propio.

Tarifas
Na actualidade, as taxas pola utilización do cemiterio son as seguintes:
- Concesións de terreo, para construción de mausoleos, criptas e panteóns: 625,20 €
- Concesión de nichos por 99 anos:
Primeira clase: 817,30 €
Segunda clase: 775,70 €
- Concesións de nichos cinerarios por 99 anos: 148,10 €
- Concesións de sepulturas por 99 anos: 240,30 €
- Aluguer de nichos segunda clase:
Ocupación polos cinco primeiros anos: 27,80 €
Prórroga anual de aluguer que exceda de cinco anos: 27,80 €
- Construción de mausoleos, panteóns, criptas sepulturas baixo terra.
Por permiso e metro cadrados ou fracción de superficie delimitada
por perímetro de zócolo: 36,80 €

Autobuses cada 15 minutos
Os días 30 e 31 de outubro e 1 de novembro reforzarase o servizo de transporte urbano ao cemiterio de Boisaca coa Liña 1 durante o horario de apertura do cemiterio, de 9.00 a 19.00 horas:

- Sábado 30 de outubro: A frecuencia será de 20 minutos ata o peche do cemiterio.

- Domingo 31 de outubro e luns 1 de novembro: a frecuencia será de 16 minutos no horario de apertura do cemiterio e de 30 minutos no resto das horas.

O domingo 31 de outubro, por mor da celebración da Carreira Pedestre, os autobuses da Liña 1, entre as 9:30 e as 13:30 horas, realizarán o seguinte percorrido alternativo, senda a súa parada máis céntrica a rúa de Ramón Piñeiro (lateral do Parlamento de Galicia):

Hospital Clínico – Boisaca: Hospital Clínico – Santa Marta – Avda. Romero Donallo - Avda. de Lugo –rúa de Ramón Piñeiro (lateral Parlamento de Galicia) - rúa do Hórreo (direcc. Estac. Ferrocarril) – Avda. de Lugo – rúa de Roma – Avda. do Camiño Francés – Salgueiriños e itinerario habitual cara Boisaca.

Boisaca – hospital Clínico: Boisaca – estrada da Coruña – Avda. de Asturias – periférico – Avda. de Lugo - rúa de Ramón Piñeiro (lateral Parlamento de Galicia) - rúa do Hórreo (direcc. Galuresa) – Avda. Romero Donallo – Avda. Mestre Mateo e itinerario habitual cara o hospital Clínico.

Compartir: