CULTURA
Segundo García Conde o obxectivo da nova programación é achegar o máis posible as actividades á demanda dos composteláns e promover a súa participación e socialización ao redor delas. Tamén salientou a nova organización da oferta por bloques temáticos e por zonas xeográficas. Nos programas das distintas áreas -que poden descargar desde a web CompostelaCultura.org e SantiagoSociocultural.org- pódense atopar as actividades ao longo do ano (obradoiros, cursos, etc.), outras máis puntuais e as que son comúns a toda a rede.
Pola súa banda, Enrique Vázquez tamén quixo poñer en valor o traballo nestes centros nos últimos 19 anos, afirmando que "somos a rede municipal de centros socioculturais máis grande do Estado español" . Asemade, destacou a ampla participación dos santiagueses nestes programas: xa hai máis de 2.000 persoas apuntadas nos obradoiros (moitos xa non teñen máis capacidade), que xa están nunha media do 90% de cobertura de prazas. Segundo Vázquez, entre 800 e 900 persoas participan ao día en distintas actividades organizadas por esta Concellaría nos máis de 40 centros socioculturais cos que conta a cidade.
Novos programas
Entre as numerosas actividades cómpre subliñar dúas novidades: o programa Experimenta, que terá lugar os sábados á mañá para que nenos e nenas se acheguen dun xeito divertido a distintas áreas de coñecemento; e o programa Decátate, onde os participantes poderán catar diferentes produtos alimentarios galegos que conten con algún tipo de denominación xeográfica de calidade, como mel, queixo, viño, aceites, etc.
Os centros socioculturais contan con nova programación
27/09/2010 Hai dúas novidades na oferta: Experimenta, para nenos e nenas os sábados á mañá; e Decátate, onde os participantes poderán catar distintos produtos alimentarios galegos con denominación xeográfica.
A concelleira de Cultura e Centros Socioculturais, Socorro García Conde, e o responsable da rede de centros socioculturais, Enrique Vázquez, presentaron un amplísimo programa de actividades nestes centros para a temporada 2010-2011, que responde a un novo xeito de distribución xeográfica e de programación en rede para que todos os cidadáns poidan ter acceso á maioría de actividades posibles.Segundo García Conde o obxectivo da nova programación é achegar o máis posible as actividades á demanda dos composteláns e promover a súa participación e socialización ao redor delas. Tamén salientou a nova organización da oferta por bloques temáticos e por zonas xeográficas. Nos programas das distintas áreas -que poden descargar desde a web CompostelaCultura.org e SantiagoSociocultural.org- pódense atopar as actividades ao longo do ano (obradoiros, cursos, etc.), outras máis puntuais e as que son comúns a toda a rede.
Pola súa banda, Enrique Vázquez tamén quixo poñer en valor o traballo nestes centros nos últimos 19 anos, afirmando que "somos a rede municipal de centros socioculturais máis grande do Estado español" . Asemade, destacou a ampla participación dos santiagueses nestes programas: xa hai máis de 2.000 persoas apuntadas nos obradoiros (moitos xa non teñen máis capacidade), que xa están nunha media do 90% de cobertura de prazas. Segundo Vázquez, entre 800 e 900 persoas participan ao día en distintas actividades organizadas por esta Concellaría nos máis de 40 centros socioculturais cos que conta a cidade.
Novos programas
Entre as numerosas actividades cómpre subliñar dúas novidades: o programa Experimenta, que terá lugar os sábados á mañá para que nenos e nenas se acheguen dun xeito divertido a distintas áreas de coñecemento; e o programa Decátate, onde os participantes poderán catar diferentes produtos alimentarios galegos que conten con algún tipo de denominación xeográfica de calidade, como mel, queixo, viño, aceites, etc.