COMERCIO
O xurado, integrado por asociacións de comerciantes, consumidores e expertos na materia, valorou especialmente a orixinalidade, ambientación e eficacia da mensaxe publicitaria atendendo ás condicións dos establecementos. Na súa decisión primou tanto o escaparate como o interior do comercio. A esta edición do concurso presentáronse 27 establecementos, pertencentes a quince sectores de actividade distintos: seis de moda, catro de decoración, tres de artesanía, dous de alimentación e dous relacionados coa música. O resto eran tendas de deportes, complementos, produtos de veterinaria, materiais de construción, xoguetarías, xoiarías, librarías, peletarías, ópticas, e zapatarías.
Concurso de novas ideas empresariais
Xosé Manuel Iglesias tamén entregou unha figura de Sargadelos a Mama Egue, como gañador do Concurso de Novas Ideas Empresariais Compostela Activa 2009, na categoría de Autoemprego. As outras cinco empresas premiadas xa recibiron a distinción o 8 de abril. Cada unha delas recibiu un premio de 4.000 euros, dos que se descontaron os impostos. Todas elas están xa constituídas.
Entregadas as bandas aos comercios gañadores da edición de primavera do Concurso de Escaparatismo
31/05/2010 O concelleiro de Promoción Económica, Emprego, Comercio e Turismo entregou as bandas de escaparatismo aos tres premiados na edición de primavera do VII Concurso Municipal de Escaparatismo SCQ Shopping: a tenda de moda Spiral, o establecemento de artesanía africana Mama Egue e a Castelcán, especializado en produtos de veterinaria. Xosé Manuel Iglesias tamén entregou unha figura de Sargadelos a Mama Egue, gañador do Concurso de novas ideas empresariais Compostela Activa 2009, na categoría de Autoemprego.
En primeiro lugar, o concelleiro entregou a banda de escaparatismo ao segundo clasificado, Mamá Egue, situado na rúa da Algalia de Arriba, número 15. A continuación dirixiuse á tenda de moda Spiral, primeira clasificada, e localizada na rúa do Doutor Teixeiro, número 30. Por último, entregou a banda ao establecemento premiado en terceiro lugar, a tenda de produtos de veterinaria Castelcán, situada na rúa de García Prieto, número 10.O xurado, integrado por asociacións de comerciantes, consumidores e expertos na materia, valorou especialmente a orixinalidade, ambientación e eficacia da mensaxe publicitaria atendendo ás condicións dos establecementos. Na súa decisión primou tanto o escaparate como o interior do comercio. A esta edición do concurso presentáronse 27 establecementos, pertencentes a quince sectores de actividade distintos: seis de moda, catro de decoración, tres de artesanía, dous de alimentación e dous relacionados coa música. O resto eran tendas de deportes, complementos, produtos de veterinaria, materiais de construción, xoguetarías, xoiarías, librarías, peletarías, ópticas, e zapatarías.
Concurso de novas ideas empresariais
Xosé Manuel Iglesias tamén entregou unha figura de Sargadelos a Mama Egue, como gañador do Concurso de Novas Ideas Empresariais Compostela Activa 2009, na categoría de Autoemprego. As outras cinco empresas premiadas xa recibiron a distinción o 8 de abril. Cada unha delas recibiu un premio de 4.000 euros, dos que se descontaron os impostos. Todas elas están xa constituídas.