MEDIO AMBIENTE
Renovación e novas solicitudes
Elvira Cienfuegos tamén indicou que "os modelos de solicitudes están a disposición das persoas interesadas na paxina web da concellaría www.compostelaviva.org, e nesta páxina, ademais de na Oficina de atención á cidadanía, no Centro de Interpretación da Alameda e no local social das propias hortas". As persoas solicitantes de nova concesión, ademais da instancia, deberán entregar copia cotexada do DNI e, de ser o caso, documento acreditativo da condición de persoa xubilada ou prexubilada. As persoas que neste momento están na lista de agarda terán de facer de novo a solicitude se continúan a ter interese en acceder a unha parcela ou en permanecer na lista de espera.
Unha vez recibidas as novas solicitudes, unha comisión encargarase de facer a prelación delas, de acordo cos criterios previamente estabelecidos. En primeiro lugar, as persoas veciñas do barrio ou da súa contorna que estean xubiladas ou prexubiladas; en segundo lugar, as persoas xubiladas ou prexubiladas empadroadas no Concello; en terceiro lugar, os veciños ou veciñas do barrio e, en cuarto, calquera persoa de Santiago. De ser maior o número de solicitantes que o de hortas, a orde establécese por sorteo en calquera dos grupos de prelación.
O número de hortas dispoñibles saberase despois da renovación das solicitudes, aínda que, tal e como sinalou Elvira Cienfuegos "non cabe esperar que sexan moitas; sospeitamos que a maioría das persoas van continuar coas súas hortas porque en calquera momento se pode renunciar e se non o fixeron ata agora debe ser porque teñen vontade de continuar".
Un espazo de convivencia
Dende o ano 2008, cando comezou esta experiencia pioneira en Galicia, a maioría das hortas de Belvís están a ser constantemente traballadas. Nelas hai agora unha gran variedade de plantas comestibles, ademais de aromáticas e ornamentais. Tomates, pementos, cebolas, allos, amorodos, acelgas, espinacas, patacas, leituga, xudías, chícharos, tirabeques, remolachas, de todo o que neste tempo debe estar plantado.
A concelleira do Medio Ambiente mostrou a súa satisfacción porque "a sensación que predomina entre os e as adxudicatarias é tamén de satisfacción, na medida en que se avanzou na consecución dos obxectivos previstos: contribuír á diversificación dos aproveitamentos dos parques, posibilitar neles usos tradicionais, contribuír á posta en valor da agricultura ecolóxica, aumentar a valoración do consumo de alimentos sans e de calidade, fomentar entre a veciñanza unha ocupación saudable para o tempo de lecer e favorecer a convivencia interxeracional e a troca de coñecementos e experiencias".
As hortas municipais de Santiago tamén serviron de referencia para outros concellos de Galicia e de fóra dela, que se interesaron polo seu funcionamento e, en ocasións, viñeron visitalas. Tamén a Escola de Arquitectura da Coruña e a Universidade de Vigo se teñen interesados polas hortas.
Novo prazo para renovar e solicitar novas adxudicacións das hortas de Belvís
18/05/2010 Ata o 31 de maio ábrese o prazo para a renovación das autorizacións de uso das hortas municipais de Belvís, e tamén neste mesmo prazo poderanse realizar novas solicitudes. Así o anunciou en rolda de prensa a concelleira de Medio Ambiente, Elvira Cienfuegos.
A edil lembrou que "en maio de 2008, o BOP daba conta da aprobación definitiva da Ordenanza reguladora do uso de hortas municipais, que establecía en dous anos o período de autorización de uso, período prorrogable a petición da persoa autorizada por dous anos máis", e tamén que "o 19 de xuño do mesmo ano poñíanse as parcelas a disposición das persoas ás que se lles autorizaba o seu uso, e dado que se achega a data de remate do período de autorización, procede abrir o prazo de solicitudes de prórroga para quen estea interesado en continuar, e simultaneamente, abrir o proceso de novas solicitudes que poderán acceder ás parcelas que queden dispoñibles ou ficar en lista de agarda".Renovación e novas solicitudes
Elvira Cienfuegos tamén indicou que "os modelos de solicitudes están a disposición das persoas interesadas na paxina web da concellaría www.compostelaviva.org, e nesta páxina, ademais de na Oficina de atención á cidadanía, no Centro de Interpretación da Alameda e no local social das propias hortas". As persoas solicitantes de nova concesión, ademais da instancia, deberán entregar copia cotexada do DNI e, de ser o caso, documento acreditativo da condición de persoa xubilada ou prexubilada. As persoas que neste momento están na lista de agarda terán de facer de novo a solicitude se continúan a ter interese en acceder a unha parcela ou en permanecer na lista de espera.
Unha vez recibidas as novas solicitudes, unha comisión encargarase de facer a prelación delas, de acordo cos criterios previamente estabelecidos. En primeiro lugar, as persoas veciñas do barrio ou da súa contorna que estean xubiladas ou prexubiladas; en segundo lugar, as persoas xubiladas ou prexubiladas empadroadas no Concello; en terceiro lugar, os veciños ou veciñas do barrio e, en cuarto, calquera persoa de Santiago. De ser maior o número de solicitantes que o de hortas, a orde establécese por sorteo en calquera dos grupos de prelación.
O número de hortas dispoñibles saberase despois da renovación das solicitudes, aínda que, tal e como sinalou Elvira Cienfuegos "non cabe esperar que sexan moitas; sospeitamos que a maioría das persoas van continuar coas súas hortas porque en calquera momento se pode renunciar e se non o fixeron ata agora debe ser porque teñen vontade de continuar".
Un espazo de convivencia
Dende o ano 2008, cando comezou esta experiencia pioneira en Galicia, a maioría das hortas de Belvís están a ser constantemente traballadas. Nelas hai agora unha gran variedade de plantas comestibles, ademais de aromáticas e ornamentais. Tomates, pementos, cebolas, allos, amorodos, acelgas, espinacas, patacas, leituga, xudías, chícharos, tirabeques, remolachas, de todo o que neste tempo debe estar plantado.
A concelleira do Medio Ambiente mostrou a súa satisfacción porque "a sensación que predomina entre os e as adxudicatarias é tamén de satisfacción, na medida en que se avanzou na consecución dos obxectivos previstos: contribuír á diversificación dos aproveitamentos dos parques, posibilitar neles usos tradicionais, contribuír á posta en valor da agricultura ecolóxica, aumentar a valoración do consumo de alimentos sans e de calidade, fomentar entre a veciñanza unha ocupación saudable para o tempo de lecer e favorecer a convivencia interxeracional e a troca de coñecementos e experiencias".
As hortas municipais de Santiago tamén serviron de referencia para outros concellos de Galicia e de fóra dela, que se interesaron polo seu funcionamento e, en ocasións, viñeron visitalas. Tamén a Escola de Arquitectura da Coruña e a Universidade de Vigo se teñen interesados polas hortas.