SERVIZOS
Os actos vandálicos da folga do lixo deixan un balance na última madrugada de máis de 30 colectores queimados
15/05/2010 O Concello de Santiago expresa a súa enérxica condena dos actos vandálicos nos que está derivando a folga dos traballadores do servizo de recollida do lixo. Nesta última madrugada do venres ao sábado, os Bombeiros tiveron que realizar preto de 40 saídas para atender as diversas incidencias. O balance desta noite deixa entre 30 e 40 colectores queimados ata en 14 puntos diferentes, maioritariamente no rural.
Dende as 1:55 e ata as 5:50 horas sucedéronse as chamadas ao Servizo de Bombeiros e á Policía Local alertando da queima de contedores en diversos puntos do municipio. O resultado final é de entre 30 e 40 colectores queimados en parroquias ou lugares como Bando, Enfesta, A Barciela, Laraño, Villestro, A Rocha, Cesar, Grixoa, Lavacolla, Angrois ou O Castiñeiriño, entre outras.