ALCALDÍA
A programación da X Campaña de Animación á Lectura continuará ata o 22 de maio na Galería Sargadelos, nas escolas infantís de Conxo, As Fontiñas, San Roque e Polígono do Tambre, e tamén no IES de Sar. No completo calendario de actividades hai sesións de contos e música, visitas guiadas á exposición de ilustracións e obxectos artísticos, obradoiros de escrita creativa e ilustración, actividades formativas para o profesorado, encontros con ilustradores e charlas para familias.
Un dos aspectos relevantes do programa son os encontros dos ilustradores Marc Taeger e Pablo Otero co alumnado das escolas infantís. O mércores 21 e o xoves 22 celebraranse os últimos dous obradoiros, que mesturan música e ilustración para favorecer o desenvolvemento da creación visual e da escoita. Entre as novidades da Campaña figura precisamente a sesión teórica e práctica que Pablo Otero realizará os días 29 e 30 de abril, no IES do Sar, cos alumnos e alumnas de Bacharelato Artístico, que poderán coñecer a experiencia directa dun profesional no ámbito da ilustración.
Actividades abertas
De entrada libre e aberta ao público infantil e adulto en xeral é a sesión de contos titulada Contos a carón da lareira, que se celebrará na Galería Sargadelos o sábado 24 de abril a partir das 12:00 horas. Nesta actividade, dedicada aos contos de tradición oral, vai participar a Escola Municipal de Música. As familias terán outra cita o 20 de maio nas escolas infantís, cunha sesión especial na que se explicarán pautas para introducir o libro e a lectura en función das idades dos nenos e nenas, con exemplos prácticos en cada etapa do crecemento.
Tamén para os docentes
No que respecta ao persoal docente, bibliotecarios e mediadores de lectura, o 4 de maio, a partir das 18:30 horas, na Galería Sargadelos, poderán asistir a unha charla impartida pola profesora e responsable da biblioteca no IES Ánxel Casal da Coruña, Carmen Loriga. Co relatorio E ti por que les? Vieiros que desde a nenez nos achegan á lectura, a relatora vai explicar distintos proxectos de animación lectora no ámbito escolar.
A clausura de Un gran soño será o 22 de maio ás 12:00 horas, cunha sesión especial para nenos e nenas, nais e pais, profesorado e público en xeral. A Galería Sargadelos e o Casino de Santiago acollerán diversas actividades para conmemorar o décimo aniversario da Campaña de Animación á Lectura. Entre outros invitados, participarán os alumnos e alumnas da Escola Municipal de Música. Ata entón, a Galería Sargadelos acolle unha mostra de ilustracións e obxectos artísticos que, ademais de estar á disposición dos grupos escolares que participen nas actividades matinais, tamén pode ser visitada pola cidadanía en horario comercial. Entre as obras expostas figuran Un gran soño, do mexicano Felipe Ugalde, gañador do II Premio Internacional Compostela de Álbum Ilustrado; A viaxe do bisavó, da valenciana Aitana Carrasco; Os catro amigos, do mexicano Gabriel Pacheco; os linogravados do ilustrador suízo afincado en Galicia Marc Taeger, para o libro-disco Tic Tac; e os ideogramas do ourensán Pablo Otero baseados no libro èm]Gramática da fantasía.
Ademais, con motivo do centenario do nacemento de Leo Lionni, dispúxose unha sala específica en homenaxe ao autor e ilustrador de obras tan emblemáticas como Frederick, Nadarín, A casa máis grande do mundo e Pequeno Azul e Pequeno Amarelo.
O alcalde anima aos máis pequenos a practicar o hábito da lectura
21/04/2010 Seguen as actividades da X Campaña de Animación á Lectura, que se prolongará ata o 22 de maio. Nesta ocasión, o alcalde compostelán, Xosé A. Sánchez Bugallo, quixo achegarse ata unha das sesións diarias de contacontos que se realizan na Galería Sargadelos.
O alcalde animou os alumnos dos colexios Vilas Alborada e San Jorge a non perder o hábito da lectura, especialmente nestes tempos en que as novas tecnoloxías teñen ocupado boa parte do tempo de lecer. De aí a importancia de campañas coma esta, baixo lema "Un gran soño", para achegar os rapaces á lectura nun clima motivador e creativo, para inculcarlles o aprecio polas producións literarias e para promover a tradición e a expresión oral da lingua.A programación da X Campaña de Animación á Lectura continuará ata o 22 de maio na Galería Sargadelos, nas escolas infantís de Conxo, As Fontiñas, San Roque e Polígono do Tambre, e tamén no IES de Sar. No completo calendario de actividades hai sesións de contos e música, visitas guiadas á exposición de ilustracións e obxectos artísticos, obradoiros de escrita creativa e ilustración, actividades formativas para o profesorado, encontros con ilustradores e charlas para familias.
Un dos aspectos relevantes do programa son os encontros dos ilustradores Marc Taeger e Pablo Otero co alumnado das escolas infantís. O mércores 21 e o xoves 22 celebraranse os últimos dous obradoiros, que mesturan música e ilustración para favorecer o desenvolvemento da creación visual e da escoita. Entre as novidades da Campaña figura precisamente a sesión teórica e práctica que Pablo Otero realizará os días 29 e 30 de abril, no IES do Sar, cos alumnos e alumnas de Bacharelato Artístico, que poderán coñecer a experiencia directa dun profesional no ámbito da ilustración.
Actividades abertas
De entrada libre e aberta ao público infantil e adulto en xeral é a sesión de contos titulada Contos a carón da lareira, que se celebrará na Galería Sargadelos o sábado 24 de abril a partir das 12:00 horas. Nesta actividade, dedicada aos contos de tradición oral, vai participar a Escola Municipal de Música. As familias terán outra cita o 20 de maio nas escolas infantís, cunha sesión especial na que se explicarán pautas para introducir o libro e a lectura en función das idades dos nenos e nenas, con exemplos prácticos en cada etapa do crecemento.
Tamén para os docentes
No que respecta ao persoal docente, bibliotecarios e mediadores de lectura, o 4 de maio, a partir das 18:30 horas, na Galería Sargadelos, poderán asistir a unha charla impartida pola profesora e responsable da biblioteca no IES Ánxel Casal da Coruña, Carmen Loriga. Co relatorio E ti por que les? Vieiros que desde a nenez nos achegan á lectura, a relatora vai explicar distintos proxectos de animación lectora no ámbito escolar.
A clausura de Un gran soño será o 22 de maio ás 12:00 horas, cunha sesión especial para nenos e nenas, nais e pais, profesorado e público en xeral. A Galería Sargadelos e o Casino de Santiago acollerán diversas actividades para conmemorar o décimo aniversario da Campaña de Animación á Lectura. Entre outros invitados, participarán os alumnos e alumnas da Escola Municipal de Música. Ata entón, a Galería Sargadelos acolle unha mostra de ilustracións e obxectos artísticos que, ademais de estar á disposición dos grupos escolares que participen nas actividades matinais, tamén pode ser visitada pola cidadanía en horario comercial. Entre as obras expostas figuran Un gran soño, do mexicano Felipe Ugalde, gañador do II Premio Internacional Compostela de Álbum Ilustrado; A viaxe do bisavó, da valenciana Aitana Carrasco; Os catro amigos, do mexicano Gabriel Pacheco; os linogravados do ilustrador suízo afincado en Galicia Marc Taeger, para o libro-disco Tic Tac; e os ideogramas do ourensán Pablo Otero baseados no libro èm]Gramática da fantasía.
Ademais, con motivo do centenario do nacemento de Leo Lionni, dispúxose unha sala específica en homenaxe ao autor e ilustrador de obras tan emblemáticas como Frederick, Nadarín, A casa máis grande do mundo e Pequeno Azul e Pequeno Amarelo.