PARTICIPACIÓN CIDADÁ
A exposición permanecerá aberta ao público ata o 5 de marzo de 2010 na Casa das Asociacións, situada na rúa Manuel Beiras, 3 (antiga estación de Cornes).
Inaugurada na Casa das Asociacións a mostra "Iacobus Gallecia"
11/02/2010 Abriuse na Casa das Asociacións a exposición Iacobus Gallecia, Arte Contemporánea Galega nos Camiños de Santiago. O público poderá ver esta mostra ata o 5 de marzo.
O alcalde compostelán, Xosé A. Sánchez Bugallo, e o conselleiro de Cultura, Roberto Varela, inauguraron esta exposición itinerante, que mostra ao público parte da colección de arte contemporánea que o Xacobeo reuniu en torno á obra de autores galegos actuais e de recoñecido prestixio. En Cornes poden verse obras de Alfonso Sucasas, Antón García Patiño, Darío Basso, Berta Cáccamo, Xosé Freixanes, Antón Lamazares, Manuel Moldes, Paco Pestana ou Armando Martínez.A exposición permanecerá aberta ao público ata o 5 de marzo de 2010 na Casa das Asociacións, situada na rúa Manuel Beiras, 3 (antiga estación de Cornes).