ALCALDÍA
O compositor de Pontareas ten dende hai moitos anos unha estreita relación coa nosa cidade. Participou como docente en diferentes edicións do curso Música en Compostela, o programa de formación musical que se celebra desde hai máis de medio século en Santiago. A Real Filharmonía de Galicia xa aproveitara as súas partituras para pechar a 52 edición deste encontro celebrado o pasado agosto.
O Concerto no Lameiro estreado esta noite foi composto por Groba en 2004 para orquestra e frauta solista. O Lameiro é un lugar pertencente a Groba, na parroquia de Guláns, Ponteareas. Nese lugar foi onde o compositor viviu a súa infancia e onde descubriu a música da man da banda local. O frautista de orixe venezolana Luis Julio Toro foi o encargado de interpretar a peza xunto á formación orquestral. O director da Orquestra de Córdoba, Manuel Hernández Silva actuou como director convidado.
O alcalde felicita a Roxelio Groba no seu 80 aniversario
14/01/2010 Con motivo do 80 cumpreanos do compositor galego Roxelio Groba, a Real Filharmonía de Galicia estreou no Auditorio a peza Concerto no Lameiro. Ao concerto acudiu o alcalde, que felicitou a Groba pola súa brillante e recoñecida traxectoria musical e agradeceu o seu empeño en elevar o nivel musical do país.
Roxelio Groba é compositor, director e pedagogo, e ten composto ao redor de 300 obras de diferentes xéneros. Durante 23 anos foi director da orquestra municipal da Coruña, onde tamén foi profesor do Conservatorio e fundou a súa orquestra. Tamén fundou a Orquestra de Cámara Municipal da Coruña. Compre destacar o disco gravado coa Orquestra de Cámara de Stuttgart baixo a dirección de Maximino Zumalave e que inclúe a cantata Cantigas de Mar e a suite barroca Intres Boleses. Tamén destacan os discos nos que participou a Sinfónica de Londres, gravados nos estudos Abbey Road da capital británica, entre eles o doble CD dirixido por el mesmo, da Gran Cantata Xacobea co coro London Voices. Groba é tamén o autor do primeiro réquiem en galego, Samaín. Réquien galego, que colle o seu nome dunha das catro festas anuais celtas, que é a que se celebra en novembro, coincidindo co día de defuntos.O compositor de Pontareas ten dende hai moitos anos unha estreita relación coa nosa cidade. Participou como docente en diferentes edicións do curso Música en Compostela, o programa de formación musical que se celebra desde hai máis de medio século en Santiago. A Real Filharmonía de Galicia xa aproveitara as súas partituras para pechar a 52 edición deste encontro celebrado o pasado agosto.
O Concerto no Lameiro estreado esta noite foi composto por Groba en 2004 para orquestra e frauta solista. O Lameiro é un lugar pertencente a Groba, na parroquia de Guláns, Ponteareas. Nese lugar foi onde o compositor viviu a súa infancia e onde descubriu a música da man da banda local. O frautista de orixe venezolana Luis Julio Toro foi o encargado de interpretar a peza xunto á formación orquestral. O director da Orquestra de Córdoba, Manuel Hernández Silva actuou como director convidado.