CULTURA
A sección de cine fantástico arrinca tamén na segunda xornada de Cineuropa coa perturbadora The children, moi aplaudida en Sitges, onde as criaturas celestiais se confabulan como nunha homenaxe á inesquecible ¿Quién puede matar a un niño?, de Ibañez Serrador. A loita palestina pola integración é o tema de Amerrika, de Cherien Dabis, que pasou xa con éxito por Sundance e Cannes e aporta gotas de tenrura á dureza da viaxe da súa muller protagonista, dende Cisjordania aos Estados Unidos.
Outras seccións que abren este segundo día as súas portas son a da retrospectiva do cineasta francés Arnaud Deslechin, coa programación da súa primeira película, La vie des morts, coa que inaugura os seus estudos do núcleo familiar e a súa descomposición; e a sección Mundo Asia, a través da moi vitalista Glasses, ambientada nunha praia onde os móbiles están vetados e a sesta imponse como terapia para mentes estresadas.
Soderbergh e Mendoza abordan o tema da prostitución no segundo día de Cineuropa
04/11/2009 Na programación da segunda xornada de Cineuropa, dous cineastas do prestixio do norteamericano Steven Soderbergh e do filipino Brillante Mendoza indagan en xeitos ben diferentes de prostitución. En The Girlfriend experience, Soderbergh amósanos a súa vena "alternativa" ao contar coa actriz porno Sasha Grey no papel dunha "score" de luxo, contratada para exercer o papel de "moza perfecta". O sexo de aluguer do que fala, por contra, Brillante Mendoza en Serbis é o dos labirínticos corredores dun cine de Manila onde travestis e xóvenes buscan clientes.
La mujer sin piano, de Javier Rebollo, e Frozen river, de Courtney Hunt, ambas as dúas con premio no festival de San Sebastián, ofrecen dous poderosos traballos de actriz. En La mujer sin piano, o de Carmen Machi, como señora casada, infeliz, que coquetea con fuxir da súa vida sen horizontes e viaxar lonxe; e en Frozen River o de Melissa Leo, nominada ao Oscar polo seu papel de arriscada conductora dun coche que transporta inmigrantes ilegais dende Canadá aos Estados Unidos a través dun río xeado.A sección de cine fantástico arrinca tamén na segunda xornada de Cineuropa coa perturbadora The children, moi aplaudida en Sitges, onde as criaturas celestiais se confabulan como nunha homenaxe á inesquecible ¿Quién puede matar a un niño?, de Ibañez Serrador. A loita palestina pola integración é o tema de Amerrika, de Cherien Dabis, que pasou xa con éxito por Sundance e Cannes e aporta gotas de tenrura á dureza da viaxe da súa muller protagonista, dende Cisjordania aos Estados Unidos.
Outras seccións que abren este segundo día as súas portas son a da retrospectiva do cineasta francés Arnaud Deslechin, coa programación da súa primeira película, La vie des morts, coa que inaugura os seus estudos do núcleo familiar e a súa descomposición; e a sección Mundo Asia, a través da moi vitalista Glasses, ambientada nunha praia onde os móbiles están vetados e a sesta imponse como terapia para mentes estresadas.