CASCO HISTÓRICO
A concelleira explicou como "o enlousado de pedra ocupará todo o primeiro treito da rúa porque nesta zona non é posíbel unha solución tradicional de separación de circulacións rodada e peonil". Xa nun segundo tramo "anchearanse as beirarrúas que continuarán en lousa mentres que na calzada se introducirá adoquín negro, para no final da rúa facer a transición á Praza de Ultreia co uso de formigón".
Supresión dunha das plataformas de pedra do borde leste
Sobre as plataformas de pedra, onde se sitúan as tradicionais arquetas das conducións históricas da auga, Olga Pedreira indicou que "serán recuperadas para o uso veciñal demoléndose unha destas plataformas, tendo así un maior espazo para aproveitar, construiranse novos accesos ás vivendas e mesmo unhas escaleiras ao final da plataforma que permitan non ter que recuar sobre os nosos pasos ao pasear polas mesmas, podendo facer un percorrido completo ao redor deste espazo".
A concelleira da Cidade Histórica manifestou tamén a importancia que vai ter "a restauración da fonte como elemento singular, recuperando o espazo ao seu redor como unha zona de lecer para a veciñanza que contará cos equipamentos necesarios, máis bancos e máis árbores entre outros". A fonte constitúe un elemento fundamental para a identidade da rúa e do barrio "é unha testemuña da memoria histórica da cidade que será posta en valor mediante o acoutamento do seu espazo circundante que estará máis elevado que o resto da rúa".
As obras comezarán antes de finais de ano e terán unha duración de oito meses, no total actuarase nunha superficie de máis de 2.175 m2 cun investimento de 572.000 euros que serán financiados no marco do convenio asinado coa antiga Consellaría de Vivenda e Solo da Xunta de Galicia
As obras de reurbanización da Rúa do Espírito Santo comezarán antes de finais de ano
14/10/2009 A popularmente coñecida como Rúa de Abaixo será reformada integralmente nos próximos meses tal e como anuncio Olga Pedreira, concelleira de Cidade Histórica e Rehabilitación, durante a presentación aos medios do proxecto de reurbanización da Rúa do Espírito Santo. Durante a súa intervención a edil nacionalista estivo acompañada por Javier Fernández Muñoz, xefe de servizo da Oficina de Rehabilitación e Vivenda dependente da Concellaría.
Olga Pedreira explicou que "a reurbanización do Espírito Santo consistirá nun proceso de redefinición dos seus espazos públicos, ampliando a humanización da rúa" para iso "vanse substituír as beirarrúas, chanzos, e demais elementos por novas lousas de granito, que favorezan sempre usos peonís sobre a circulación rodada". O que se pretende con isto é que a percepción sexa a de transitar por un espazo para a xente polo que os vehículos poidan circular, mais dun xeito secundario e orientados pola secuencia dunhas luminarias empotradas no pavimento que ordearán sutilmente os usos do espazo.A concelleira explicou como "o enlousado de pedra ocupará todo o primeiro treito da rúa porque nesta zona non é posíbel unha solución tradicional de separación de circulacións rodada e peonil". Xa nun segundo tramo "anchearanse as beirarrúas que continuarán en lousa mentres que na calzada se introducirá adoquín negro, para no final da rúa facer a transición á Praza de Ultreia co uso de formigón".
Supresión dunha das plataformas de pedra do borde leste
Sobre as plataformas de pedra, onde se sitúan as tradicionais arquetas das conducións históricas da auga, Olga Pedreira indicou que "serán recuperadas para o uso veciñal demoléndose unha destas plataformas, tendo así un maior espazo para aproveitar, construiranse novos accesos ás vivendas e mesmo unhas escaleiras ao final da plataforma que permitan non ter que recuar sobre os nosos pasos ao pasear polas mesmas, podendo facer un percorrido completo ao redor deste espazo".
A concelleira da Cidade Histórica manifestou tamén a importancia que vai ter "a restauración da fonte como elemento singular, recuperando o espazo ao seu redor como unha zona de lecer para a veciñanza que contará cos equipamentos necesarios, máis bancos e máis árbores entre outros". A fonte constitúe un elemento fundamental para a identidade da rúa e do barrio "é unha testemuña da memoria histórica da cidade que será posta en valor mediante o acoutamento do seu espazo circundante que estará máis elevado que o resto da rúa".
As obras comezarán antes de finais de ano e terán unha duración de oito meses, no total actuarase nunha superficie de máis de 2.175 m2 cun investimento de 572.000 euros que serán financiados no marco do convenio asinado coa antiga Consellaría de Vivenda e Solo da Xunta de Galicia