CULTURA
A Concellaría de Cultura participa activamente na difusión do filme, colaborando na estrea que, de cara as entidades e empresas internacionais, terá lugar unha semana antes da presentación mundial, concretamente o 17 de xullo. Socorro García quixo destacar o total apoio da Concellería, na medida das súas posibilidades, á industria cinematográfica galega e a súa contribución ao que os seus produtos "sexan valorados aquí e tamén fóra".
Ademais, a película conta tamén coa colaboración da Real Filharmonía de Galicia, dependente do Consorcio de Santiago e que ten como sede o Auditorio de Galicia. A orquestra é a responsable da execución da banda sonora de O Apóstolo, composta por Phillip Glass. Na presentación da película, a Real Filharmonía interpretará en directo a música, en presenza do insigne compositor.
Primeiro filme europeo en stop-motion que estreará en 3D
Isabel Rey, produtora executiva do filme, explicou que O Apóstolo é a primeira película de animación stop-motion (feita fotograma a fotograma) rodada en Europa que se estreará en proxección estereoscópica, para ser vista en tres dimensións. Aínda que evidentemente o tema da produción non é outro que o Camiño de Santiago, non quixo adiantar moitos detalles do argumento.
A produción conta coa presenza de importantes figuras da interpretación como Luis Tosar, Carlos Blanco, Celso Bugallo ou Jorge Sanz, que evidentemente, poñen unicamente a súa voz ás personaxes. Os decorados, fabricados en cartón pedra e con armazón de madeira, son reproducións á escala de escenarios reais da cidade, entre eles a catedral. A directora artística da película, presente na rolda de prensa, manifestou que para ela supuxo un pracer reconstruír ese monumento e outras postais da cidade.
Socorro García, pola súa banda, aproveitou para salientar que as películas que teñen Santiago como tema contribúen tamén á difusión da cidade no resto do mundo. Ademais, adiantou que a intención do Concellaría era, durante o resto de proceso de rodaxe, achegar aos escolares de Santiago aos mecanismos de gravación que levarán a cidade, aínda que de cartón pedra, á gran pantalla.
"O Apóstolo" celebrará a súa estrea mundial no 2010 en Compostela
24/09/2009 O filme de produción galega O Apóstolo, primeira película europea de animación en stop-motion que se estreará en estereoscópico, será presentada ao público mundial en Santiago o 17 de xullo do ano 2010. Días despois estrearase nas salas de cinema de todo o mundo. A data escollida para a súa presentación nos cinemas non é outra que o da festividade de Santiago do 2010. A Concellería de Cultura e máis a produtora da película ofreceron aos medios os detalles do evento.
A concelleira de Cultura, Socorro García Conde, presentou unha das citas culturais máis relevantes do próximo Ano Xacobeo, a estrea a nivel mundial do filme O Apóstolo. A película de animación está producida pola empresa galega Artefacto, xurdida ao abeiro do programa Equal, dependente da Concellaría de Promoción Económica.A Concellaría de Cultura participa activamente na difusión do filme, colaborando na estrea que, de cara as entidades e empresas internacionais, terá lugar unha semana antes da presentación mundial, concretamente o 17 de xullo. Socorro García quixo destacar o total apoio da Concellería, na medida das súas posibilidades, á industria cinematográfica galega e a súa contribución ao que os seus produtos "sexan valorados aquí e tamén fóra".
Ademais, a película conta tamén coa colaboración da Real Filharmonía de Galicia, dependente do Consorcio de Santiago e que ten como sede o Auditorio de Galicia. A orquestra é a responsable da execución da banda sonora de O Apóstolo, composta por Phillip Glass. Na presentación da película, a Real Filharmonía interpretará en directo a música, en presenza do insigne compositor.
Primeiro filme europeo en stop-motion que estreará en 3D
Isabel Rey, produtora executiva do filme, explicou que O Apóstolo é a primeira película de animación stop-motion (feita fotograma a fotograma) rodada en Europa que se estreará en proxección estereoscópica, para ser vista en tres dimensións. Aínda que evidentemente o tema da produción non é outro que o Camiño de Santiago, non quixo adiantar moitos detalles do argumento.
A produción conta coa presenza de importantes figuras da interpretación como Luis Tosar, Carlos Blanco, Celso Bugallo ou Jorge Sanz, que evidentemente, poñen unicamente a súa voz ás personaxes. Os decorados, fabricados en cartón pedra e con armazón de madeira, son reproducións á escala de escenarios reais da cidade, entre eles a catedral. A directora artística da película, presente na rolda de prensa, manifestou que para ela supuxo un pracer reconstruír ese monumento e outras postais da cidade.
Socorro García, pola súa banda, aproveitou para salientar que as películas que teñen Santiago como tema contribúen tamén á difusión da cidade no resto do mundo. Ademais, adiantou que a intención do Concellaría era, durante o resto de proceso de rodaxe, achegar aos escolares de Santiago aos mecanismos de gravación que levarán a cidade, aínda que de cartón pedra, á gran pantalla.