CULTURA
A temporada de abono complétase coa segunda edición do Ciclo de Piano Ángel Brage, que nesta ocasión estará composto polos recitais de Christian Zimmerman, Tzimon Barto e Alexander Ghindin.
Ademais, do mesmo xeito que en edicións anteriores, o compromiso con Galicia da Real Filharmonía plasmarase en diferentes concertos e actividades didácticas noutras cidades da Comunidade, como Ferrol, Ourense, Pontevedra e Vigo.
Máis aló de Galicia, a orquestra ten previsto visitar Madrid en decembro onde, baixo a batuta de Ros Marbà, ofrecerá un concerto no Auditorio Nacional dentro do ciclo Orquestras e Solistas do Mundo, de Ibermúsica. En xaneiro será o Auditorio Príncipe Felipe de Oviedo o que reciba á Real Filharmonía, dirixida por Christoph König, dentro da tempada da OSPA (será a única orquestra invitada á temporada de concertos da orquestra asturiana), e xa en marzo visitará o Palacio Euskalduna de Bilbao, cun programa dedicado a Schumann.
Esta temporada continúa tamén a relación entre a orquestra compostelá e a Orquestra Nacional de Porto, iniciada na anterior temporada coa visita da Real Filharmonía á Casa da Música da cidade portuguesa, converténdose na primeira orquestra española en actuar no devandito espazo. En outubro será a orquestra portuguesa, dirixida por Peter Rundel, a que visitará o Auditorio de Galicia, mentres que os composteláns, baixo a dirección do afamado Yakov Kreizberg, serán recibidos en febreiro de 2010 por segunda vez no auditorio portugués.
Destacados solistas
A temporada segue o mesmo esquema das anteriores, co que, ademais do concerto de inauguración na catedral compostelá, o público gozará cos tradicionais concertos de Reis e Nadal. Neste último, que terá lugar o venres 18 de decembro, a Real Filharmonía interpretará unha selección de cantatas do Oratorio de Nadal, de Bach, acompañada do Coro Nacional de España.
Ademais, polo Auditorio de Galicia pasará un selecto grupo de directores e solistas, entre os que destacan as batutas internacionais de Yakov Kreizberg, Christoph König, Manuel Hernández Silva, Michal Nesterowicz e Frans Brüggen, que por sexto ano consecutivo dirixirá á orquestra compostelá, así como as dos españois Salvador Mas e Cristóbal Halffter, que celebrará sobre o escenario do Auditorio o seu 80 aniversario. A eles sumaranse os violinistas Frank Peter Zimmermann e Benjamin Schmid, os cellistas Tim Hugh e Alban Gerhardt, o clarinetista Eric Hoeprich, o flautista Luis Julio Toro e os pianistas Elisso Virsaladze, Mihaela Ursuleasa, Colleen Lee, Dezsö Ranki, Jorge Federico Osorio, Iván Martín e Javier Perianes. No que a coros se refire, actuarán coa RFG o Coro de Cámara de Bologna, o Nacional de España, o Cor de Cambra do Palau e o coro de RTVE.
No plano vocal destaca a actuación de Elena Zhidkova e Robert Dean Smith, que interpretarán baixo a batuta de Paul Daniel A canción da terra, de Gustav Mahler, no ano que se celebra o 150 aniversario do seu nacemento. Será a versión para conxunto instrumental que fixo Schoenberg da obra mahleriana. En maio, a mezzosoprano Marisa Martins interpretará xunto á Real Fillharmonía e baixo a batuta de Ros Marbà as Cinco melodías sobre temas de Paul Valery, peza de Mompou que precisamente foi gravada por primeira vez a principios de 2009 no último traballo discográfico da RFG, editado por Warner.
XX Aniversario do Auditorio
O mes de outubro, o Auditorio de Galicia celebra o seu 20 Aniversario cun concerto no que a Real Filharmonía, dirixida por Paul Daniel, estará acompañada pola afamada soprano Ute Lemper e o coro Die Sinphoniker. O programa inclúe a estrea dunha obra composta polo mestre titular da RFG Ros Marbà con motivo da celebración que leva precisamente o título de Fanfarras para unha celebración.
O Auditorio de Galicia foi inaugurado en 1989 coa vontade de consolidar a oferta cultural da capital de Galicia. Moderno emblema da cidade, versátil e funcional, foi proxectado polos arquitectos Julio Cano Lasso e Diego Cano Pintos. Nestes 20 anos converteuse no centro por excelencia para a recepción das manifestacións culturais que xera a cidade e punto de referencia obrigada para a cultura musical e artística de Galicia. Dende 1996 é, ademais, a sede permanente da Real Filharmonía de Galicia.
Concertos didácticos e ensaios abertos
Como vén sendo habitual desde 1996, o Auditorio de Galicia programará sesións de concertos didácticos dirixidos a escolares galegos. Organizados a modo de sesións pedagóxicas, os programas adáptanse ás diferentes franxas de idade e promoven o coñecemento da música sinfónica entre os máis pequenos. Ademais pon a disposición dos centros escolares guías didácticas para traballar na aula previamente.
Nesta ocasión, o concerto pedagóxico da Real Filharmonía, os días 21, 22 e 23 de outubro, realizarase en colaboración con Monicreques de Kukas, e suporá a estrea de O Castelo da Rocha Vella, baseado nun conto de Luciano García Alén con música de Amador Santos Bartolomé. A obra tamén se ofrecerá nun concerto familiar.
Os didácticos continúan en novembro coa posta en escena da ópera de Rossini A Cincenta, nunha produción do Gran Teatre do Liceu, con Joan Font, de Els Comediants, como director de escena. Complétanse coa música de Ultreia, en xaneiro, o cine de Chaplin, con música en directo, en febreiro; o teatro de Artello, en marzo e a música do Coro da Rá, en abril.
Ademais, e continuando unha iniciativa xurdida o ano pasado, na presente temporada a orquestra continuará abrindo os seus ensaios ao público, para achegarlles o seu traballo cotián. En total serán sete os ensaios xerais doutros tantos concertos de abono os que serán accesibles gratuitamente para colectivos cidadáns de Santiago e público en xeral.
Música de cámara
Un ano máis a RFG, en colaboración co Vicerreitorado de Cultura da Universidade de Santiago, organizan a terceira edición do ciclo de música de cámara do curso universitario, entre outubro de 2009 e xuño de 2010. Este ano, os concertos serán no Paraninfo da Universidade.
Este ciclo pretende unir os conceptos de música e patrimonio e achegar a música de cámara ao corazón da cidade histórica de Compostela. O público poderá gozar da mellor música de cámara da man dos solistas da orquestra compostelá, que para a ocasión agrúpanse en diferentes formacións, ofrecendo un amplo repertorio camerístico, tanto de compositores clásicos como dos máis actuais.
Gravación de Ravel
Tras o lanzamento a anterior temporada dun CD con obras de Mompou e outro dedicado a Manuel de Falla, a Real Filharmonía volverá aos estudos de gravación baixo a batuta do mestre Ros Marbà para a elaboración dun disco con obras de Ravel, co acompañamento de Benjamin Schmidt ao violín.
Venda de abonos
Como todos os anos, o Auditorio de Galicia ofrece catro modalidades de abono para asistir aos diferentes concertos da temporada (Abono A, 30 concertos: 232,50 euros; Abono B, 8 concertos: 74,80 euros; Abono C, 14 concertos: 122,40 euros; Abono D, 7 concertos: 78 euros). Ademais mantense o abono especial para estudantes e xubilados, que supón un aforro do 50%. Tamén se mantén a modalidade de abono colectivo para asociacións culturais e veciñais, escolas de música públicas e centros educativos públicos. Este abono colectivo contén 4 entradas para cada concerto e costa 155 euros.
A renovación de abonos poderase realizar entre os días 22 e 25 de setembro. A venda de novos abonos será os días 28, 29 e 30 de setembro e 1 e 2 de outubro. Como novidade, este ano os programas de man de cada concerto poderanse consultar e descargar con antelación na web do Auditorio de Galicia.
A cantante Ute Lemper acompañará á Real Filharmonía na celebración do XX aniversario do Auditorio de Galicia
16/09/2009 Tras meses de preparación, a Real Filharmonía presenta os seus concertos para a temporada 2009/2010, que arrinca cun concerto gratuíto na Catedral de Santiago. Será o 18 de setembro, con Maximino Zumalave á batuta e incluirá a Misa núm. 5 de Schubert e a peza Canto a Santiago, de Mariano Pérez. Antoni Ros Marbà continúa á fronte da orquestra compostelá como o seu director artístico e titular, e o británico Paul Daniel como principal director invitado.
Un total de 30 concertos conforman a programación musical do Auditorio de Galicia, que precisamente este ano celebra o 20 aniversario da súa existencia. Polo seu escenario pasarán varios dos mellores solistas nacionais e internacionais, así como as orquestras Nacional do Porto, Sinfónica do Principado de Asturias, Sinfónica de Galicia ou Sinfónica de Castela e León, como orquestras invitadas. O calendario de actividades foi presentado en rolda de prensa concelleira de Cultura, Socorro García Conde; o xerente do Consorcio de Santiago, Xosé Manuel Villanueva; o director-xerente do Auditorio, Paulo Rodríguez; e o director técnico da Real Filharmonía de Galicia, Oriol Roch.A temporada de abono complétase coa segunda edición do Ciclo de Piano Ángel Brage, que nesta ocasión estará composto polos recitais de Christian Zimmerman, Tzimon Barto e Alexander Ghindin.
Ademais, do mesmo xeito que en edicións anteriores, o compromiso con Galicia da Real Filharmonía plasmarase en diferentes concertos e actividades didácticas noutras cidades da Comunidade, como Ferrol, Ourense, Pontevedra e Vigo.
Máis aló de Galicia, a orquestra ten previsto visitar Madrid en decembro onde, baixo a batuta de Ros Marbà, ofrecerá un concerto no Auditorio Nacional dentro do ciclo Orquestras e Solistas do Mundo, de Ibermúsica. En xaneiro será o Auditorio Príncipe Felipe de Oviedo o que reciba á Real Filharmonía, dirixida por Christoph König, dentro da tempada da OSPA (será a única orquestra invitada á temporada de concertos da orquestra asturiana), e xa en marzo visitará o Palacio Euskalduna de Bilbao, cun programa dedicado a Schumann.
Esta temporada continúa tamén a relación entre a orquestra compostelá e a Orquestra Nacional de Porto, iniciada na anterior temporada coa visita da Real Filharmonía á Casa da Música da cidade portuguesa, converténdose na primeira orquestra española en actuar no devandito espazo. En outubro será a orquestra portuguesa, dirixida por Peter Rundel, a que visitará o Auditorio de Galicia, mentres que os composteláns, baixo a dirección do afamado Yakov Kreizberg, serán recibidos en febreiro de 2010 por segunda vez no auditorio portugués.
Destacados solistas
A temporada segue o mesmo esquema das anteriores, co que, ademais do concerto de inauguración na catedral compostelá, o público gozará cos tradicionais concertos de Reis e Nadal. Neste último, que terá lugar o venres 18 de decembro, a Real Filharmonía interpretará unha selección de cantatas do Oratorio de Nadal, de Bach, acompañada do Coro Nacional de España.
Ademais, polo Auditorio de Galicia pasará un selecto grupo de directores e solistas, entre os que destacan as batutas internacionais de Yakov Kreizberg, Christoph König, Manuel Hernández Silva, Michal Nesterowicz e Frans Brüggen, que por sexto ano consecutivo dirixirá á orquestra compostelá, así como as dos españois Salvador Mas e Cristóbal Halffter, que celebrará sobre o escenario do Auditorio o seu 80 aniversario. A eles sumaranse os violinistas Frank Peter Zimmermann e Benjamin Schmid, os cellistas Tim Hugh e Alban Gerhardt, o clarinetista Eric Hoeprich, o flautista Luis Julio Toro e os pianistas Elisso Virsaladze, Mihaela Ursuleasa, Colleen Lee, Dezsö Ranki, Jorge Federico Osorio, Iván Martín e Javier Perianes. No que a coros se refire, actuarán coa RFG o Coro de Cámara de Bologna, o Nacional de España, o Cor de Cambra do Palau e o coro de RTVE.
No plano vocal destaca a actuación de Elena Zhidkova e Robert Dean Smith, que interpretarán baixo a batuta de Paul Daniel A canción da terra, de Gustav Mahler, no ano que se celebra o 150 aniversario do seu nacemento. Será a versión para conxunto instrumental que fixo Schoenberg da obra mahleriana. En maio, a mezzosoprano Marisa Martins interpretará xunto á Real Fillharmonía e baixo a batuta de Ros Marbà as Cinco melodías sobre temas de Paul Valery, peza de Mompou que precisamente foi gravada por primeira vez a principios de 2009 no último traballo discográfico da RFG, editado por Warner.
XX Aniversario do Auditorio
O mes de outubro, o Auditorio de Galicia celebra o seu 20 Aniversario cun concerto no que a Real Filharmonía, dirixida por Paul Daniel, estará acompañada pola afamada soprano Ute Lemper e o coro Die Sinphoniker. O programa inclúe a estrea dunha obra composta polo mestre titular da RFG Ros Marbà con motivo da celebración que leva precisamente o título de Fanfarras para unha celebración.
O Auditorio de Galicia foi inaugurado en 1989 coa vontade de consolidar a oferta cultural da capital de Galicia. Moderno emblema da cidade, versátil e funcional, foi proxectado polos arquitectos Julio Cano Lasso e Diego Cano Pintos. Nestes 20 anos converteuse no centro por excelencia para a recepción das manifestacións culturais que xera a cidade e punto de referencia obrigada para a cultura musical e artística de Galicia. Dende 1996 é, ademais, a sede permanente da Real Filharmonía de Galicia.
Concertos didácticos e ensaios abertos
Como vén sendo habitual desde 1996, o Auditorio de Galicia programará sesións de concertos didácticos dirixidos a escolares galegos. Organizados a modo de sesións pedagóxicas, os programas adáptanse ás diferentes franxas de idade e promoven o coñecemento da música sinfónica entre os máis pequenos. Ademais pon a disposición dos centros escolares guías didácticas para traballar na aula previamente.
Nesta ocasión, o concerto pedagóxico da Real Filharmonía, os días 21, 22 e 23 de outubro, realizarase en colaboración con Monicreques de Kukas, e suporá a estrea de O Castelo da Rocha Vella, baseado nun conto de Luciano García Alén con música de Amador Santos Bartolomé. A obra tamén se ofrecerá nun concerto familiar.
Os didácticos continúan en novembro coa posta en escena da ópera de Rossini A Cincenta, nunha produción do Gran Teatre do Liceu, con Joan Font, de Els Comediants, como director de escena. Complétanse coa música de Ultreia, en xaneiro, o cine de Chaplin, con música en directo, en febreiro; o teatro de Artello, en marzo e a música do Coro da Rá, en abril.
Ademais, e continuando unha iniciativa xurdida o ano pasado, na presente temporada a orquestra continuará abrindo os seus ensaios ao público, para achegarlles o seu traballo cotián. En total serán sete os ensaios xerais doutros tantos concertos de abono os que serán accesibles gratuitamente para colectivos cidadáns de Santiago e público en xeral.
Música de cámara
Un ano máis a RFG, en colaboración co Vicerreitorado de Cultura da Universidade de Santiago, organizan a terceira edición do ciclo de música de cámara do curso universitario, entre outubro de 2009 e xuño de 2010. Este ano, os concertos serán no Paraninfo da Universidade.
Este ciclo pretende unir os conceptos de música e patrimonio e achegar a música de cámara ao corazón da cidade histórica de Compostela. O público poderá gozar da mellor música de cámara da man dos solistas da orquestra compostelá, que para a ocasión agrúpanse en diferentes formacións, ofrecendo un amplo repertorio camerístico, tanto de compositores clásicos como dos máis actuais.
Gravación de Ravel
Tras o lanzamento a anterior temporada dun CD con obras de Mompou e outro dedicado a Manuel de Falla, a Real Filharmonía volverá aos estudos de gravación baixo a batuta do mestre Ros Marbà para a elaboración dun disco con obras de Ravel, co acompañamento de Benjamin Schmidt ao violín.
Venda de abonos
Como todos os anos, o Auditorio de Galicia ofrece catro modalidades de abono para asistir aos diferentes concertos da temporada (Abono A, 30 concertos: 232,50 euros; Abono B, 8 concertos: 74,80 euros; Abono C, 14 concertos: 122,40 euros; Abono D, 7 concertos: 78 euros). Ademais mantense o abono especial para estudantes e xubilados, que supón un aforro do 50%. Tamén se mantén a modalidade de abono colectivo para asociacións culturais e veciñais, escolas de música públicas e centros educativos públicos. Este abono colectivo contén 4 entradas para cada concerto e costa 155 euros.
A renovación de abonos poderase realizar entre os días 22 e 25 de setembro. A venda de novos abonos será os días 28, 29 e 30 de setembro e 1 e 2 de outubro. Como novidade, este ano os programas de man de cada concerto poderanse consultar e descargar con antelación na web do Auditorio de Galicia.