EDUCACIÓN
Actividades no Centro de Interpretación do Medio Rural de Santiago de Compostela
30/07/2009 Coa posta en marcha do Centro de Interpretación do Medio Rural de Portela, na parroquia de Figueiras, o Concello quere invitar a todos/as cidadáns tanto de Compostela como dos arredores, a coñecer o Centro.
Esta nova instalación educativa conta cun programa de actividades dirixido a poboación de Santiago e comarca, así como grupos organizados de estudantes dos diferentes niveis educativos dos centros de ensino, asociacións xuvenís e outros colectivos dos concellos de Galicia. Tamén poderá acoller o desenvolvemento de seminarios e cursos de formación, organizados polo concello de Santiago de Compostela ou, previa solicitude acompañada dun programa, por outros colectivos e asociacións. O número máximo de usuarios por actividade é de 60 persoas.