MEDIO AMBIENTE E CENTROS SOCIOCULTURAIS
A edil subliñou tamén as novidades do programa neste 2009, que vén a dar continuación e mellorar a oferta de 2008, no que case 2.500 persoas participaron da iniciativa. Así, haberá un incremento das actividades físicas, aumentando as xornadas de taichi e ximnasia nos parques até os 4 días á semana. Ademais, incorporaranse actividades de ximnasia en horario de 20.00 a 21.00 horas.
Outra das novidades é a oferta de cinema ao aire libre no rural, que achegará a sétima arte a parroquias e lugares nos que rara vez se teñen realizado proxeccións cinematográficas. Tamén se constatan novidades a nivel de contido, con programas anovadores como o obradoiro de construción de papaventos, observación de estrelas, liberalibros, os xogos tradicionais ou as excursións ao parque acuático de Cerceda. Ao tempo, o Xogandoando dobra o número de prazas e aumenta nunha semana máis a súa oferta.
Colaboración entre entidades e institucións
Na edición de 2009 de Vive o Verán! contouse coa colaboración de diferentes entidades e institucións coas concellarías de Cultura e Medio Ambiente, que enriqueceron a oferta do programa. Así cooperan Arteria Noroeste, Curtocircuíto e os clubs Vega de Astronomía e Astronomía na Beirarrúa.
Pola súa banda, a concelleira de Medio Ambiente, Elvira Cienfuegos, fixo un repaso das actividades que se van desenvolver no medio natural. A edil destacou o programa de roteiros polos ríos de Compostela, que percorrerán os cursos fluviais do Sar, Sarela, Tambre, Santa Lucía e a Vía Verde. Ademais, as visitas guiadas aos parques da cidade permitirannos coñecer máis a fondo estes espazos privilexiados para gozar e aprender do medio ambiente. Vive o Verán! pretende chegar a uns 8.000 usuarios dos centros socioculturais.
Actividades ao aire libre para todos os públicos en "Vive o Verán!"
19/06/2009 Presentouse no Parque de Belvís o programa da segunda edición de Vive o Verán!, unha iniciativa das concellarías de Cultura e Centros Socioculturais e Medio Ambiente, que ofrece un amplo abano de actividades ao aire libre para todos as idades. A programación iníciase o sábado 20 coa celebración da Feira do Sol na Alameda e unha romaría no Local Sociocultural de Cesar, e prolongarase durante os meses de xullo e agosto.
Na presentación da programación de 2009 de Vive o Verán!, Socorro García foi a encargada de debullar o calendario de actividades, destacando a vontade desta iniciativa "de procurar o diálogo coa poboación de Compostela a través da utilización do espazo público". O programa está orientado aos usuarios de centros socioculturais que, chegado o verán, atopan unha diminución da oferta de actividades, sobre todo as relacionadas co movemento. Ao tempo, procura a implicación do público de Compostela que non adoita participar nas actividades dos centros socioculturais, por descoñecemento das mesmas ou por falta de hábito.A edil subliñou tamén as novidades do programa neste 2009, que vén a dar continuación e mellorar a oferta de 2008, no que case 2.500 persoas participaron da iniciativa. Así, haberá un incremento das actividades físicas, aumentando as xornadas de taichi e ximnasia nos parques até os 4 días á semana. Ademais, incorporaranse actividades de ximnasia en horario de 20.00 a 21.00 horas.
Outra das novidades é a oferta de cinema ao aire libre no rural, que achegará a sétima arte a parroquias e lugares nos que rara vez se teñen realizado proxeccións cinematográficas. Tamén se constatan novidades a nivel de contido, con programas anovadores como o obradoiro de construción de papaventos, observación de estrelas, liberalibros, os xogos tradicionais ou as excursións ao parque acuático de Cerceda. Ao tempo, o Xogandoando dobra o número de prazas e aumenta nunha semana máis a súa oferta.
Colaboración entre entidades e institucións
Na edición de 2009 de Vive o Verán! contouse coa colaboración de diferentes entidades e institucións coas concellarías de Cultura e Medio Ambiente, que enriqueceron a oferta do programa. Así cooperan Arteria Noroeste, Curtocircuíto e os clubs Vega de Astronomía e Astronomía na Beirarrúa.
Pola súa banda, a concelleira de Medio Ambiente, Elvira Cienfuegos, fixo un repaso das actividades que se van desenvolver no medio natural. A edil destacou o programa de roteiros polos ríos de Compostela, que percorrerán os cursos fluviais do Sar, Sarela, Tambre, Santa Lucía e a Vía Verde. Ademais, as visitas guiadas aos parques da cidade permitirannos coñecer máis a fondo estes espazos privilexiados para gozar e aprender do medio ambiente. Vive o Verán! pretende chegar a uns 8.000 usuarios dos centros socioculturais.