CIDADE HISTÓRICA
Un proxecto inspirado na Historia
A concelleira quixo facer ver que "o feito de ter existido un cemiterio aquí suxire voltar converter esta zona nun espazo para camiñar e pasear e mesmo nun lugar de encontro da veciñanza. De feito, conservamos unha imaxe de principios do século XX na que aparecen dous cipreses flanqueando o límite do camposanto, o cal nos inspirou para que instalar unha liña de cipreses novos que separarán a zona peonil do paso do transito rodado". Ademais "no centro instalaremos unha fonte central que partirá da reinterpretación da existente anteriormente, a principios do século pasado"
En palabras de Olga Pedreira, "a superficie total da actuación é de case 1.800 metros cadrados, xa que ademais do novo parque, e da zona correspondente da rúa da Trinidade, renovarase o atrio da igrexa de San Frutuoso e a conexión entre a praza do Obradoiro e rúa das Hortas, isto é, o inicio do Camiño a Fisterra", engadindo que "as obras teñen como prazo ata decembro deste ano e contan cun orzamento de 730.000 euros" A concelleira lembrou tamén que "o resto da rúa da Trinidade, a zona de San Clemente e a rúa Raxoi serán reurbanizadas no marco do convenio asinado coa Consellaría de Vivenda e Solo para a reurbanización de varias zonas da Cidade Histórica de Santiago".
Estas obras están financiadas polo Fondo Estatal de Investimento Local, que suporá un total de 2.331.920 euros na Zona Vella de Compostela en obras previstas para o bienio 2009-2010. Esta cifra súmase aos 4.225.000 euros froito do Convenio coa Consellería de Vivenda e Solo para os anos 2008-2010.
A reurbanización da zona de San Frutuoso incluirá un novo xardín para a Cidade Histórica
20/04/2009 A concelleira da Cidade Histórica e Rehabilitación, Olga Pedreira, presentou o proxecto de acondicionamento e urbanización da área de San Frutuoso. A actuación consiste nunha rexeneración completa da zona cunha renovación xeral dos acabados da calzada, beirarrúas e mobiliario urbano. A presentación foi realizada na propia zona de intervención, onde a concelleira explicou a solución deseñada para aplicar na explanada onde hoxe se sitúa o pavillón da Trinidade, que será retirado do seu actual emprazamento.
Olga Pedreira explicou que a proposta de reurbanización está pensada "entendendo que este é un ámbito urbano ligado a unha zona de hortas, condicionado por un pasado no que foi un cemiterio de peregrinos durante case cinco séculos e que está conformado por edificios que non abren ningunha porta a este espazo". Xa entrando no detalle, a concelleira explicou que "unha vez retirado o pavillón instalarase un xardín labiríntico de buxo, formando un vestíbulo ás Hortas", un elemento que liga directamente "co que sempre se ten feito nas vivendas galegas de certo tamaño, como poden ser os pazos". Engadiu que este será "un lugar dominado por unha vexetación construída, domesticada, con especies ornamentais e pavimentación construída".Un proxecto inspirado na Historia
A concelleira quixo facer ver que "o feito de ter existido un cemiterio aquí suxire voltar converter esta zona nun espazo para camiñar e pasear e mesmo nun lugar de encontro da veciñanza. De feito, conservamos unha imaxe de principios do século XX na que aparecen dous cipreses flanqueando o límite do camposanto, o cal nos inspirou para que instalar unha liña de cipreses novos que separarán a zona peonil do paso do transito rodado". Ademais "no centro instalaremos unha fonte central que partirá da reinterpretación da existente anteriormente, a principios do século pasado"
En palabras de Olga Pedreira, "a superficie total da actuación é de case 1.800 metros cadrados, xa que ademais do novo parque, e da zona correspondente da rúa da Trinidade, renovarase o atrio da igrexa de San Frutuoso e a conexión entre a praza do Obradoiro e rúa das Hortas, isto é, o inicio do Camiño a Fisterra", engadindo que "as obras teñen como prazo ata decembro deste ano e contan cun orzamento de 730.000 euros" A concelleira lembrou tamén que "o resto da rúa da Trinidade, a zona de San Clemente e a rúa Raxoi serán reurbanizadas no marco do convenio asinado coa Consellaría de Vivenda e Solo para a reurbanización de varias zonas da Cidade Histórica de Santiago".
Estas obras están financiadas polo Fondo Estatal de Investimento Local, que suporá un total de 2.331.920 euros na Zona Vella de Compostela en obras previstas para o bienio 2009-2010. Esta cifra súmase aos 4.225.000 euros froito do Convenio coa Consellería de Vivenda e Solo para os anos 2008-2010.