DEPORTES
Na competición, que conta coa colaboración da Concellería de Deportes, participan as seleccións autonómicas de Castela e León, Estremadura, País Vasco, Madrid, Cataluña, Baleares, Ceuta, Asturias e Galicia. Moitos dos seus integrantes xa teñen xogado cos seus equipos na división de honra da Liga Nacional de Fútbol Sala.
Os mellores valores do futuro do fútbol sala español compiten en Santiago
19/02/2009 O pavillón municipal de Santa Isabel acolle ata o domingo 22 o Campionato de España Sub-20 de seleccións territoriais de fútbol sala. Con este motivo, os directivos e demais integrantes das seleccións participantes foron recibidos en Raxoi polo alcalde compostelán, Xosé A. Sánchez Bugallo.
Coa competición xa en marcha, foi momento para que o alcalde lle desexara aos representantes dos diferentes combinados unha feliz estancia en Santiago. Na recepción tamén participaron representantes da Federación Española de Fútbol, da Federación Galega de Fútbol e do Autos Lobelle de Santiago (organizador do torneo) ademais dunha representación municipal.Na competición, que conta coa colaboración da Concellería de Deportes, participan as seleccións autonómicas de Castela e León, Estremadura, País Vasco, Madrid, Cataluña, Baleares, Ceuta, Asturias e Galicia. Moitos dos seus integrantes xa teñen xogado cos seus equipos na división de honra da Liga Nacional de Fútbol Sala.