ALCALDÍA
O Rexistro do Mercantil comezará a funcionar na nova sede o 2 de marzo
18/02/2009 O alcalde, Xosé A. Sánchez Bugallo, mantivo un encontro cos tres rexistradores de Santiago, Santiago Blasco (Rexistro do Mercantil), Teresa Ferrín (Rexistro da Propiedade número 2 e Oficina liquidadora) e Ana María Raposo (Rexistro da Propiedade número 1) na Casa do Concello.
Segundo informaron, o Rexistro do Mercantil completará o seu traslado ás novas oficinas na avenida de Lugo o 2 de marzo. Tamén se está preparando o traslado aos novos emprazamentos dos outros dous Rexistros da Propiedade, os números 1 e 2, que se fará efectivo con toda probabilidade antes do verán.