CULTURA
A soprano sevillana Amanda Serna, a mezzosoprano santanderina Marina Pardo, o barítono valencián Javier Galán e o tenor cántabro Julio Morales serán os protagonistas deste especial concerto no que se poderán escoitar (e ver) bailes como o fox-trot, o pasodoble, o chotis, a mazurca, o can-can, o vals, e mesmo o blues. Ao piano estará o pianista vigués Borja Mariño, que tamén volverá ao Teatro Principal para clausurar Todo Lírica xunto ao barítono Borja Quiza.
As entradas soltas poden adquirirse ao prezo de 6 euros no despacho de billetes do Teatro Principal o mesmo día do concerto. A seguinte cita, clausura do ciclo, será o sábado 3 de xaneiro co barítono Borja Quiza e o pianista Borja Mariño.
A música de baile na zarzuela será a protagonista do segundo concerto do Festival Todo Lírica
26/12/2008 Tras o éxito do concerto inaugural protagonizado pola mezzosoprano italiana Manuela Custer, o martes 30 de decembro celébrase o segundo concerto de Todo Lírica 2008, un ciclo promovido pola Concellaría de Cultura coa colaboración da Asociación Galega da Lírica e que, baixo o nome de Festival de Zarzuela de Santiago, se celebra dende hai oito anos durante o Nadal no Teatro Principal.
A música de baile na zarzuela: do pasodoble ao fox-trot é o título desta gala zarzueleira na que participan catro cantantes e que inclúe números (romanzas, dúos e tríos) de títulos tan coñecidos como El niño judío, Los gavilanes, La del manojo de rosas o El barbero de Sevilla, xunto a outros moito menos difundidos como Ortografía, Las castigadoras, Las leandras, El arte de ser bonita ou Black el payaso. A directora teatral Vanessa Martínez é a responsable do apartado escénico desta singular proposta de concerto que xira en torno á inspiración que o baile e a danza supuxo en autores de zarzuela tan senlleiros como Sorozábal, Chueca, Chapí, Vives, Giménez, Guerrero, Luna, Alonso e o galego Reveriano Soutullo.A soprano sevillana Amanda Serna, a mezzosoprano santanderina Marina Pardo, o barítono valencián Javier Galán e o tenor cántabro Julio Morales serán os protagonistas deste especial concerto no que se poderán escoitar (e ver) bailes como o fox-trot, o pasodoble, o chotis, a mazurca, o can-can, o vals, e mesmo o blues. Ao piano estará o pianista vigués Borja Mariño, que tamén volverá ao Teatro Principal para clausurar Todo Lírica xunto ao barítono Borja Quiza.
As entradas soltas poden adquirirse ao prezo de 6 euros no despacho de billetes do Teatro Principal o mesmo día do concerto. A seguinte cita, clausura do ciclo, será o sábado 3 de xaneiro co barítono Borja Quiza e o pianista Borja Mariño.