CONSORCIO
Cómpre salientar o traballo docente que dende o inicio desenvolveu o director Antoni Ros Marbà, así como a presenza do pianista Jorge Federico Osorio, con quen a Filharmonía estableceu unha estreita relación, en especial durante a xira por Sudamérica que a orquestra realizou no verán de 2006.
A Real Filharmonía de Galicia ofrece un concerto ao Conservatorio de Santiago
11/12/2008 Nunha iniciativa pioneira, a Real Filharmonía de Galicia ofrece o venres 12 un concerto dirixido aos alumnos e comunidade docente do Conservatorio Profesional de Música de Santiago, así como aos seus familiares. O concerto terá lugar no Auditorio de Galicia e estará dirixido polo mestre titular, Antoni Ros Marbà. Contará coa participación do pianista Jorge Federico Osorio.
O programa, un monográfico de Beethoven, inclúe a Abertura de Egmont e o Concerto para piano núm. 4. Esta iniciativa ofrece a posibilidade de asistir de primeira man ao traballo da orquestra compostelá, establecendo un diálogo didáctico entre alumnos, moitos deles futuros músicos, e orquestra. Deste xeito, o concerto enmárcase ademais na actividade docente do Conservatorio, como unha forma diferente de clase lectiva.Cómpre salientar o traballo docente que dende o inicio desenvolveu o director Antoni Ros Marbà, así como a presenza do pianista Jorge Federico Osorio, con quen a Filharmonía estableceu unha estreita relación, en especial durante a xira por Sudamérica que a orquestra realizou no verán de 2006.