CIDADE HISTÓRICA
No congreso contrastaranse iniciativas levadas adiante desde diferentes puntos da xeografía europea e tamén da norteamericana. Estarán representantes de proxectos cataláns, suecos, canadenses, estadounidenses, británicos, noruegueses, finlandeses, holandeses,... Casos prácticos e experiencias reais expostas polos responsables do planeamento, avaliación, implantación da tecnoloxía sen fíos. Un foro fundamental para coñecer como están afrontando as oportunidades e desafíos, desde a perspectiva municipal, da implantación da banda larga en cidades de todo o mundo.
O evento estará divido en dous workshops. O primeiro deles tratará sobre a creación de comunidades intelixentes e o segundo será unha presentación e visita ao proxecto Wi-Fi de Barcelona. Toda a información sobre o mesmo pode consultarse no web http://www.wirelesscitiescongress.eu
iCompostela, conectividade sen fíos
Na futura rede WiMAX de Compostela haberá acceso gratuíto a Internet en parques e espazos públicos e tamén nos domicilios, neste caso restrinxido á consulta dun número reducido de páxinas (administracións e medios de comunicación), así como á posibilidade de navegación con bonos de tempo determinado.
Actualmente estase na fase de despregue dos repetidores do sinal WiMAX por diferentes localizacións da Cidade Histórica de Santiago, estando xa practicamente concluída a súa instalación. En breve comezarán as primeiras emisións en probas, que tamén incluirán o Wi-Fi gratuíto nas prazas da zona vella.
O servizo iCompostela non pretende, polo tanto, competir cos servizos que proporcionen outras operadoras, senón complementar e dar máis opción na que escoller nunha zona na que a competencia practicamente se reduce a unha soa operadora.
Olga Pedreira participará no Congreso Europeo de Cidades Dixitais e sen fíos
07/11/2008 A concelleira de Cidade Histórica e Rehabilitación, Olga Pedreira, participará no Wireless and Digital Cities. Este será o 3º congreso anual europeo, que se celebrará en Barcelona do 11 ao 13 de novembro baixo o epígrafe Connecting Communities. Aquí, profesionais e expertos de toda Europa darán a coñecer as súas experiencias no desenvolvemento de redes sen fíos.
O obxectivo de Olga Pedreira é poder coñecer de primeira man os proxectos pioneiros no desenvolvemento da conectividade, como pode ser o caso da rede Wi-Fi de Barcelona. Un achegamento a outras experiencias que pode ser moi útil para o desenvolvemento da futura rede sen fíos de Santiago que incluirá servizos de WiMAX e Wi-Fi. Outro dos obxectivos desta viaxe de traballo a Barcelona será estudar a posibilidade de que Santiago entre a formar parte da Rede Europea de Cidades sen fío.No congreso contrastaranse iniciativas levadas adiante desde diferentes puntos da xeografía europea e tamén da norteamericana. Estarán representantes de proxectos cataláns, suecos, canadenses, estadounidenses, británicos, noruegueses, finlandeses, holandeses,... Casos prácticos e experiencias reais expostas polos responsables do planeamento, avaliación, implantación da tecnoloxía sen fíos. Un foro fundamental para coñecer como están afrontando as oportunidades e desafíos, desde a perspectiva municipal, da implantación da banda larga en cidades de todo o mundo.
O evento estará divido en dous workshops. O primeiro deles tratará sobre a creación de comunidades intelixentes e o segundo será unha presentación e visita ao proxecto Wi-Fi de Barcelona. Toda a información sobre o mesmo pode consultarse no web http://www.wirelesscitiescongress.eu
iCompostela, conectividade sen fíos
Na futura rede WiMAX de Compostela haberá acceso gratuíto a Internet en parques e espazos públicos e tamén nos domicilios, neste caso restrinxido á consulta dun número reducido de páxinas (administracións e medios de comunicación), así como á posibilidade de navegación con bonos de tempo determinado.
Actualmente estase na fase de despregue dos repetidores do sinal WiMAX por diferentes localizacións da Cidade Histórica de Santiago, estando xa practicamente concluída a súa instalación. En breve comezarán as primeiras emisións en probas, que tamén incluirán o Wi-Fi gratuíto nas prazas da zona vella.
O servizo iCompostela non pretende, polo tanto, competir cos servizos que proporcionen outras operadoras, senón complementar e dar máis opción na que escoller nunha zona na que a competencia practicamente se reduce a unha soa operadora.