PLENO
Na actualidade, máis de 800.000 nenos e mozos de 80 países reciben a súa educación en escolas lasalianas, que promoven a gratuidade da educación, e contribúen ao crecemento persoal dos seus alumnos, estimulando a capacidade de creación, de iniciativa e o espírito crítico.
Con estes criterios, La Salle imparte ensino en Santiago de Compostela dende o ano 1923. Durante os primeiros anos, os irmáns de La Salle rexentaron a Escola da Inmaculada. Pero quedaban sen cubrir os estudos de segunda ensinanza. Co apoio e a colaboración dos Antigos Alumnos e a xenerosidade da escola dona Isabel García Blanco, o 27 de xullo de 1953, púxose a primeira pedra do que hoxe é o Colexio La Salle.
Durante máis de medio século este colexio exerceu de centro dinamizador da educación na cidade. Na actualidade o centro educativo La Salle conta con preto de millar e medio de alumnos, desde ensino infantil até bacharelato. Polas súas aulas teñen pasado moitas xeracións de compostelás, que hoxe poñen os valores aprendidos nesta escola ao servizo de toda a sociedade compostelá.
Moción a prol dun tren de cercanías
O Pleno municipal aprobou tamén por unanimidade unha moción, presentada polo BNG, na que se solicita ao Goberno español que non desmantele a infraestrutura ferroviaria do antigo trazado entre Santiago de Compostela e Vilagarcía, por considerar que esta infraestrutura poderá dar servizo a un futuro servizo de cercanías. Tamén se reclama que as Directrices de Ordenación do Territorio de Galicia, pendentes de aprobación, recollan este servizo de cercanías entre Santiago e Vilagarcía, como se prevé para a conexión Tui-Vilagarcía e A Coruña-Ferrol. Tamén se solicita a conexión do aeroporto de Lavacolla coa futura estación intermodal, tal como se recolle no PXOM.
Igualmente, acordouse iniciar contactos cos representantes dos concellos de Padrón, Ames, Teo, Pontecesures, Valga, Catoira e Vilagarcía, que son polos que pasa a vía actual, para tratar de potenciar este servizo. Paralelamente, trasladarase esta iniciativa ao presidente da Xunta e ás consellerías competentes.
Condena ao atentado terrorista
O Pleno comezou cunha condena da Corporación Municipal ao atentado terrorista acontecido en Pamplona, no que un coche bomba estoupou no aparcadoiro do campus da Universidade de Navarra.
San Xoán Bautista dará nome á praza situada a carón do Colexio La Salle
30/10/2008 Praza de San Xoan Bautista de la Salle. Así pasará a denominarse a praza situada a carón do Colexio La Salle, colindante coa rúa Valle Inclán, segundo o acordo adoptado polo Pleno municipal.
A elección deste nome para a praza responde á propia historia do Colexio e á denominación do mesmo. Así, compre lembrar que, a finais do século XVIII, Xoán Bautista de La Salle transformou a educación do seu tempo, cambiando o modelo de escola na que se instruía "de un en un" para ensinar a toda unha clase á vez. Ademais, decidiu deixar de ensinar en latín para facelo na lingua propia.Na actualidade, máis de 800.000 nenos e mozos de 80 países reciben a súa educación en escolas lasalianas, que promoven a gratuidade da educación, e contribúen ao crecemento persoal dos seus alumnos, estimulando a capacidade de creación, de iniciativa e o espírito crítico.
Con estes criterios, La Salle imparte ensino en Santiago de Compostela dende o ano 1923. Durante os primeiros anos, os irmáns de La Salle rexentaron a Escola da Inmaculada. Pero quedaban sen cubrir os estudos de segunda ensinanza. Co apoio e a colaboración dos Antigos Alumnos e a xenerosidade da escola dona Isabel García Blanco, o 27 de xullo de 1953, púxose a primeira pedra do que hoxe é o Colexio La Salle.
Durante máis de medio século este colexio exerceu de centro dinamizador da educación na cidade. Na actualidade o centro educativo La Salle conta con preto de millar e medio de alumnos, desde ensino infantil até bacharelato. Polas súas aulas teñen pasado moitas xeracións de compostelás, que hoxe poñen os valores aprendidos nesta escola ao servizo de toda a sociedade compostelá.
Moción a prol dun tren de cercanías
O Pleno municipal aprobou tamén por unanimidade unha moción, presentada polo BNG, na que se solicita ao Goberno español que non desmantele a infraestrutura ferroviaria do antigo trazado entre Santiago de Compostela e Vilagarcía, por considerar que esta infraestrutura poderá dar servizo a un futuro servizo de cercanías. Tamén se reclama que as Directrices de Ordenación do Territorio de Galicia, pendentes de aprobación, recollan este servizo de cercanías entre Santiago e Vilagarcía, como se prevé para a conexión Tui-Vilagarcía e A Coruña-Ferrol. Tamén se solicita a conexión do aeroporto de Lavacolla coa futura estación intermodal, tal como se recolle no PXOM.
Igualmente, acordouse iniciar contactos cos representantes dos concellos de Padrón, Ames, Teo, Pontecesures, Valga, Catoira e Vilagarcía, que son polos que pasa a vía actual, para tratar de potenciar este servizo. Paralelamente, trasladarase esta iniciativa ao presidente da Xunta e ás consellerías competentes.
Condena ao atentado terrorista
O Pleno comezou cunha condena da Corporación Municipal ao atentado terrorista acontecido en Pamplona, no que un coche bomba estoupou no aparcadoiro do campus da Universidade de Navarra.