MEDIO AMBIENTE
O Foro desenvolverase no Auditorio de Galicia ao longo do 22 de outubro, dende as 9:30 ata as 19:30 horas. Iniciarase coa inauguración a cargo da concelleira de Medio Ambiente, Elvira Cienfuegos, o subdirector xeral de Organización do Turismo, Xabier Valiño, e Carmen Aycart, directora do programa Vías Verdes da Fundación de Ferrocarrís Españois. Pecharase cunha visita técnica polos parques urbanos de Compostela.
Colaboración institucional, mantemento e emprego
Durante o día, o traballo desenvolverase en tres sesións que versarán sobre a colaboración institucional para o desenvolvemento das Vías Verdes; o deseño, xestión e mantemento das Vías Verdes; e a creación de emprego, desenvolvemento local e dinamización nestes itinerarios.
As Vías Verdes son antigos trazados ferroviarios reconvertidos en itinerarios non motorizados para desprazamentos a pé ou en bicicleta e para a práctica dun lecer activo e saudable. Actualmente, cando se cumpren 25 anos da creación das Vías Verdes, existen en España máis de 1.700 metros operativos destes itinerarios, agrupados en 70 rutas con diferente grao de desenvolvemento e distintos retos por diante. Neste contexto, a Federación de Ferrocarrís Españois entende obrigado implementar fórmulas de intercambio, colaboración e promoción e, dado o interese de Compostela por promover unha Vía Verde no tramo férreo actualmente en desuso, de común acordo coa Concellaría de Medio Ambiente, organízase este foro.
Case un cento de inscritos no Foro sobre as Vías Verdes
21/10/2008 A Concellaría de Medio Ambiente e Desenvolvemento Sustentábel organiza o mércores 22 o Foro de Iniciativas e Experiencias en Vías Verdes, que se celebrará durante toda a xornada no Auditorio de Galicia. Finalmente son case un cento os inscritos cun perfil moi variado: alumnado universitario, membros de diferentes administracións locais, persoal da administración galega, empresariado, enxeñeiros,... que chegarán desde diferentes puntos de Galicia e mesmo de fóra.
O Foro, que está organizado pola propia Concellaría e o programa Vías Verdes da Fundación dos Ferrocarrís Españois, conta coa colaboración da Deputación da Coruña, a Dirección Xeral de Turismo da Xunta de Galicia, a Concellaría de Promoción Económica e Turismo e os outros concellos promotores da Corredoira Verde a Compostela: Ordes e Oroso. Celébrase co obxectivo de compartir experiencias e coñecementos sobre Vías Verdes, coa finalidade de favorecer a implicación pública e privada no desenvolvemento destes itinerarios en Galicia e, nomeadamente, na Corredoira Verde a Compostela.O Foro desenvolverase no Auditorio de Galicia ao longo do 22 de outubro, dende as 9:30 ata as 19:30 horas. Iniciarase coa inauguración a cargo da concelleira de Medio Ambiente, Elvira Cienfuegos, o subdirector xeral de Organización do Turismo, Xabier Valiño, e Carmen Aycart, directora do programa Vías Verdes da Fundación de Ferrocarrís Españois. Pecharase cunha visita técnica polos parques urbanos de Compostela.
Colaboración institucional, mantemento e emprego
Durante o día, o traballo desenvolverase en tres sesións que versarán sobre a colaboración institucional para o desenvolvemento das Vías Verdes; o deseño, xestión e mantemento das Vías Verdes; e a creación de emprego, desenvolvemento local e dinamización nestes itinerarios.
As Vías Verdes son antigos trazados ferroviarios reconvertidos en itinerarios non motorizados para desprazamentos a pé ou en bicicleta e para a práctica dun lecer activo e saudable. Actualmente, cando se cumpren 25 anos da creación das Vías Verdes, existen en España máis de 1.700 metros operativos destes itinerarios, agrupados en 70 rutas con diferente grao de desenvolvemento e distintos retos por diante. Neste contexto, a Federación de Ferrocarrís Españois entende obrigado implementar fórmulas de intercambio, colaboración e promoción e, dado o interese de Compostela por promover unha Vía Verde no tramo férreo actualmente en desuso, de común acordo coa Concellaría de Medio Ambiente, organízase este foro.