SERVIZOS
Abu Dabi interésase polo modelo de contedores do lixo soterrados de Santiago
09/10/2008 Representantes da cidade de Abu Dabi visitaron Santiago de Compostela para coñecer o seu modelo de xestión da recollida do lixo. En particular, interesáronse polo sistema de contedores soterrados.
A concelleira de Servizos, Marta Álvarez-Santullano, e o concelleiro de Infraestruturas, Bernardino Rama, recibiron a esta delegación, encabezada polo director xeral do centro de xestión de residuos de Abu Dabi, Bader Al-Harahsheh, e que chegou acompañada do xerente de Urbaser, Antonio Gómez. A cidade de Abu Dabi, capital dos Emiratos Árabes, xera 2.000 toneladas de lixo ao día e o seu obxectivo é, no prazo dun ano, pechar o ciclo de tratamento de todos os tipos de lixo. Con este obxectivo están a tomar nota dos distintos modelos existentes e, no caso de Santiago, do dos contedores soterrados.