DEPORTES
Cómpre lembrar que foron máis de 10.000 os boletos vendidos polos clubs en virtude do Convenio asinado entre a Fundación Compostela Deporte e a Asociación de Empresarios de Hostalería de Santiago e Comarca para o desenvolvemento do programa Xogo Solidario, destinado aos clubes federados da cidade e a súa comarca, que tiña a finalidade de dotalos de máis recursos económicos pola súa tarefa a prol do deporte base, así como promocionar aos establecementos hostaleiros que colaboraron coas entidades deportivas, que foron máis de 200.
Entregados os premios da iniciativa Xogo Solidario
06/10/2008 A sede da Fundación Compostela Deporte foi o escenario da entrega dos premios correspondentes á iniciativa Xogo Solidario, enmarcada no desenvolvemento do Plan Integral Deporte e Vida (PIDEVI). O concelleiro de Deportes e vicepresidente da Fundación, Andrés Fariña, fixo a entrega dos premios.
Patricia Pazos, co número 5.202 distribuído polo Clube Waterpolo Santiago, resultou gañadora do ordenador portátil doado por Coremain; o presidente da Sociedade de Caza e Pesca A Venatoria, Ramón Fandiño (posuidor do número 23.113 distribuído polo Hockei Clube Raxoi) e Wenceslao Peteiro, do Bar Albaroque (como entidade comercial que máis boletos distribuíu), recolleron os seus respectivos MP4 doados por Blusens.Cómpre lembrar que foron máis de 10.000 os boletos vendidos polos clubs en virtude do Convenio asinado entre a Fundación Compostela Deporte e a Asociación de Empresarios de Hostalería de Santiago e Comarca para o desenvolvemento do programa Xogo Solidario, destinado aos clubes federados da cidade e a súa comarca, que tiña a finalidade de dotalos de máis recursos económicos pola súa tarefa a prol do deporte base, así como promocionar aos establecementos hostaleiros que colaboraron coas entidades deportivas, que foron máis de 200.