CENTROS SOCIOCULTURAIS
Tras a presentación do volume e, dentro do programa Cinemas Dixitais que impulsa a Axencia Audiovisual Galega, a Concellaría de Cultura e de Centros Socioculturais, proxectarase o documental Memorial de Camposancos (2006), dos directores José Ballesta de Diego e Miguel Anxo Fernandez Yañez.
O documental quere reconstruír a historia do campo de Camposancos; render homenaxe aos seus presos, mediante o testemuño dalgúns que sobreviven e dos familiares dos que morreron. Faino a través da memoria dos veciños e veciñas da Guarda que, exemplarmente, e na medida das súas posibilidades, paliaron as terribles condicións de amoreamento, enfermidade ou maltrato que sufrían os seus compatriotas, leais ao goberno republicano, no interior daquel campo.
Preséntase no CSC do Castiñeiriño un libro sobre os campos de concentración de Galicia na Guerra Civil
05/06/2008 O Centro Sociocultural do Castiñeiriño acolle o venres 6 a presentación do libro Galiza na Guerra Civil. Campos de concentración de Muros, Padrón, A Pobra e Rianxo, de Xesús Costa Rodil e Xesús Santos, que participan en dita presentación.
Este volume, editado polos concellos da Pobra do Caramiñal e de Rianxo é un modelo de recuperación da historia local, que amplía varios estudos publicados por estes autores, mergullándose na microhistoria das localidades. A desaparición física dos restos materiais dos campos de concentración existentes en Galicia durante a Guerra Civil fixeron que os autores buscaran testemuños sobre a vida cotiá nos campos, os mandos, os presos e o comportamento solidario da comunidade local.Tras a presentación do volume e, dentro do programa Cinemas Dixitais que impulsa a Axencia Audiovisual Galega, a Concellaría de Cultura e de Centros Socioculturais, proxectarase o documental Memorial de Camposancos (2006), dos directores José Ballesta de Diego e Miguel Anxo Fernandez Yañez.
O documental quere reconstruír a historia do campo de Camposancos; render homenaxe aos seus presos, mediante o testemuño dalgúns que sobreviven e dos familiares dos que morreron. Faino a través da memoria dos veciños e veciñas da Guarda que, exemplarmente, e na medida das súas posibilidades, paliaron as terribles condicións de amoreamento, enfermidade ou maltrato que sufrían os seus compatriotas, leais ao goberno republicano, no interior daquel campo.