TURISMO
Para Iglesias, esta campaña "contribuíu a reforzar a imaxe de Compostela coma un destino turístico aberto todo o ano", como demostran os datos do Instituto Nacional de Estatística sobre o turismo doméstico de inverno en Santiago, que establecen nun 21,3% a media de crecemento das pernoctacións hoteleiras entre novembro de 2007 e febreiro de 2008.
O mes de maior crecemento foi novembro de 2007, ao comezo da campaña, cun aumento do 31,8% nas noites de aloxamento sobre novembro de 2006; seguido de febreiro de 2008, cun 24,1% máis que no ano precedente, e xaneiro, cun incremento do 20,4%.
"Posto que a media de crecemento global das pernoctacións de 2007 na cidade foi do 13,82% sobre 2006, todo parece indicar que o gran tirón veu dos meses tradicionalmente considerados de baixa ocupación", sinalou Iglesias. "Como factores decisivos o INE sinala, ademais do turismo de negocios, o turismo de short-breaks, xustamente o que promove a nosa campaña", engadiu.
Segundo Compostur, a media de pernoctacións da campaña superou o mínimo de dúas noites estipulado, para alcanzar as 2,6 noites por persoa, en concordancia cos datos do INE, que sitúan a estancia media do inverno en Compostela en 2,7 días.
Éxito dos obradoiros gastronómicos
Por outra parte, Iglesias fixo énfase no éxito dos 16 obradoiros gastronómicos e dúas excursións temáticas ofrecidos por Turismo de Santiago nesta campaña, actividades que reuniron a 461 participantes interesados na preparación dos cogomelos, do polbo, do marisco e da lamprea.
Os obradoiros contaron coa presenza dos máis destacados cociñeiros galegos, como Marcelo Tejedor, Chef Rivera, Pero Roca, Gonzalo Rei, Yayo Daporta e Pepe Solla, entre outros. Ademais, 22 restaurantes participaron na campaña gastronómica, ofrecendo a súa creatividade en menús temáticos co produto do mes.
A campaña turística de inverno pecha cun crecemento do 21,3% nas noites de aloxamento
22/04/2008 Entre novembro de 2007 e marzo de 2008, o programa Santiago de Compostela, repetirás facturou en venda directa 5.276 noites de aloxamento en 17 hoteis composteláns de unha a cinco estrelas. Así o indican os datos do turoperador Compostur, xestor das reservas efectuadas dende toda España e Portugal polas axencias Transhotel, Mundicolor e Viagal.
O concelleiro de Promoción Económica e Turismo, Xosé Manuel Iglesias, presentou estes datos que, na súa opinión, avalan o éxito do Plan de Desestacionalización 2007-2008, levado a cabo por Turismo de Santiago para captar un turismo de calidade nos meses de máis baixa ocupación hoteleira. De novembro a marzo, Santiago de Compostela, repetirás converteu á cidade nun atractivo destino de inverno, ofrecendo prezos reducidos en aloxamentos, paquetes de fin de semana con avión e unha novidosa programación gastronómica.Para Iglesias, esta campaña "contribuíu a reforzar a imaxe de Compostela coma un destino turístico aberto todo o ano", como demostran os datos do Instituto Nacional de Estatística sobre o turismo doméstico de inverno en Santiago, que establecen nun 21,3% a media de crecemento das pernoctacións hoteleiras entre novembro de 2007 e febreiro de 2008.
O mes de maior crecemento foi novembro de 2007, ao comezo da campaña, cun aumento do 31,8% nas noites de aloxamento sobre novembro de 2006; seguido de febreiro de 2008, cun 24,1% máis que no ano precedente, e xaneiro, cun incremento do 20,4%.
"Posto que a media de crecemento global das pernoctacións de 2007 na cidade foi do 13,82% sobre 2006, todo parece indicar que o gran tirón veu dos meses tradicionalmente considerados de baixa ocupación", sinalou Iglesias. "Como factores decisivos o INE sinala, ademais do turismo de negocios, o turismo de short-breaks, xustamente o que promove a nosa campaña", engadiu.
Segundo Compostur, a media de pernoctacións da campaña superou o mínimo de dúas noites estipulado, para alcanzar as 2,6 noites por persoa, en concordancia cos datos do INE, que sitúan a estancia media do inverno en Compostela en 2,7 días.
Éxito dos obradoiros gastronómicos
Por outra parte, Iglesias fixo énfase no éxito dos 16 obradoiros gastronómicos e dúas excursións temáticas ofrecidos por Turismo de Santiago nesta campaña, actividades que reuniron a 461 participantes interesados na preparación dos cogomelos, do polbo, do marisco e da lamprea.
Os obradoiros contaron coa presenza dos máis destacados cociñeiros galegos, como Marcelo Tejedor, Chef Rivera, Pero Roca, Gonzalo Rei, Yayo Daporta e Pepe Solla, entre outros. Ademais, 22 restaurantes participaron na campaña gastronómica, ofrecendo a súa creatividade en menús temáticos co produto do mes.