CULTURA
O club de lectura presencial reunirase cada semana durante unha hora na biblioteca para falar do libro que se están lendo e acordar as seguintes lecturas. Faranse actividades culturais complementarias como encontros cos autores e tradutores, ver filmes relacionados cos temas das lecturas ou asistir a representacións teatrais das novelas lidas.
No caso do club virtual, artellarase a través do blog http://www.blogoteca.com/clvcompostela/, onde se indicarán as lecturas e haberá material de soporte que axudará a entender as obras: textos sobre o libro, sobre o autor, etcétera. Neste espazo será posible expor preguntas, expresar opinións e compartir comentarios sobre a lectura colectiva. Lerase un libro cada mes e, rematada a lectura, os membros do club reuniranse virtualmente nun chat para compartir impresións sobre o texto.
Cada un dos clubs de lectura estará formado por como máximo vinte persoas. A inscrición está aberta ata o 18 de abril e pode solicitarse na biblioteca (Avda. de Xoán XXIII, teléfono 881 999 401) ou a través do correo electrónico biblio.publica.santiago@xunta.es.
Outras actividades do centro
Ademais, no acto presentáronse outras actividades qeu se han desenvolver na Bibloteca Ánxel Casal. Todos os sábados pola mañá haberá actividades dirixidas ao público infantil. O sábado 5 de abril, ás 11:00 horas, actuará a compañía Duende Sico co espectáculo Contacontos musical. Ás 12:00 horas presentarase o disco [em}Pelogato 24, nun acto que contará coa participación dun grupo 25 rapaces que farán unha demostración de varios xogos populares galegos.
Tamén se poden visitar na biblioteca dúas exposicións. Unha é a mostra de ilustración Apaga a luz: quero medo, creada pola Asociación Galega de Profesionais da Ilustración (AGPI), que reúne a 20 ilustradores e 20 escritores co obxectivo de amosarnos a súa visión sobre o medo. A segunda exposición é As bases da banda, creada pola Asociación Cultural BD Banda para achegarse á historia do cómic e amosar os traballos dos autores galegos, que están vivindo un momento de eclosión.
A presentación dos clubes de lectura na Biblioteca Ánxel Casal correu a cargo do tenente de alcalde, Néstor Rego; do director xeral de Creación e Difusión Cultural, Luís Bará; da responsable da Biblioteca, Begoña Domínguez; da coordinadora dos clubes de lectura, Eva López; e da escritora Rosa Aneiros.
Botan a andar dous clubs de lectura na Biblioteca Ánxel Casal
03/04/2008 Presentáronse na Biblioteca Ánxel Casal os dous clubes de lectura que botarán a andar o mes de abril, un presencial e outro virtual. Trátase de actividades culturais e de lecer que pretenden funcionar como puntos de encontro e de intercambio de opinións sobre obras da literatura galega e universal, tanto clásica como contemporánea.
Un club de lectura é un grupo de persoas que len ao mesmo tempo un libro, cada un na súa casa. A Biblioteca Ánxel Casal prestaralles os libros, para o que se reservarán vinte exemplares de cada título que se escolla en cada un dos clubs. Periodicamente, os membros dos clubes reuniranse e comentarán as páxinas que leron desde o encontro anterior. Os libros que se lerán nos clubes son de narrativa galega e narrativa universal traducida ao galego, principalmente textos contemporáneos, pero tamén obras clásicas.O club de lectura presencial reunirase cada semana durante unha hora na biblioteca para falar do libro que se están lendo e acordar as seguintes lecturas. Faranse actividades culturais complementarias como encontros cos autores e tradutores, ver filmes relacionados cos temas das lecturas ou asistir a representacións teatrais das novelas lidas.
No caso do club virtual, artellarase a través do blog http://www.blogoteca.com/clvcompostela/, onde se indicarán as lecturas e haberá material de soporte que axudará a entender as obras: textos sobre o libro, sobre o autor, etcétera. Neste espazo será posible expor preguntas, expresar opinións e compartir comentarios sobre a lectura colectiva. Lerase un libro cada mes e, rematada a lectura, os membros do club reuniranse virtualmente nun chat para compartir impresións sobre o texto.
Cada un dos clubs de lectura estará formado por como máximo vinte persoas. A inscrición está aberta ata o 18 de abril e pode solicitarse na biblioteca (Avda. de Xoán XXIII, teléfono 881 999 401) ou a través do correo electrónico biblio.publica.santiago@xunta.es.
Outras actividades do centro
Ademais, no acto presentáronse outras actividades qeu se han desenvolver na Bibloteca Ánxel Casal. Todos os sábados pola mañá haberá actividades dirixidas ao público infantil. O sábado 5 de abril, ás 11:00 horas, actuará a compañía Duende Sico co espectáculo Contacontos musical. Ás 12:00 horas presentarase o disco [em}Pelogato 24, nun acto que contará coa participación dun grupo 25 rapaces que farán unha demostración de varios xogos populares galegos.
Tamén se poden visitar na biblioteca dúas exposicións. Unha é a mostra de ilustración Apaga a luz: quero medo, creada pola Asociación Galega de Profesionais da Ilustración (AGPI), que reúne a 20 ilustradores e 20 escritores co obxectivo de amosarnos a súa visión sobre o medo. A segunda exposición é As bases da banda, creada pola Asociación Cultural BD Banda para achegarse á historia do cómic e amosar os traballos dos autores galegos, que están vivindo un momento de eclosión.
A presentación dos clubes de lectura na Biblioteca Ánxel Casal correu a cargo do tenente de alcalde, Néstor Rego; do director xeral de Creación e Difusión Cultural, Luís Bará; da responsable da Biblioteca, Begoña Domínguez; da coordinadora dos clubes de lectura, Eva López; e da escritora Rosa Aneiros.