TURISMO
Os premiados nesta edición son, entre outros, Marta Suplicy, ministra de Turismo do Brasil; Érica Drumond, secretaria de Turismo do Governo de Minas Gerais; o Complexo Turístico Itaipu; a Federação Brasileira de Convention & Visitors Bureaux e a Fort Worth C&VB. No apartado de destinos turísticos foron elixidos como mellor destino nacional, Santa Catalina, e como mellor destino internacional, Santiago de Compostela.
Á entrega de premios asistirán personalidades do sector, os presidentes de compañías aéreas Tap-Air, Tam e Gol, axentes de viaxes, touroperadores e prensa especializada. De aí a relevancia de que Compostela fora recoñecida con este premio e que estea presente neste evento de gran relevancia na cidade. São Paulo é a maior cidade de Latinoamérica e son moitos os paulistanos que admiran o Camiño de Santiago e que cada ano visitan Compostela. É por iso, un estado estratéxico para o sector turístico da nosa cidade.
Aproveitando a súa estancia na cidade brasileira, o concelleiro de Promoción Económica e Turismo terá varias reunións de traballo con outros axentes. Así, xa está confirmado que será recibido pola directiva da Sociedade Hispano Brasileira, pola presidenta da Sociedade Beneficente Rosalía de Castro, e que manterá unha reunión con Nuria Pont, xerente da cámara Oficial Española de Comercio en Brasil. Hai outros contactos con empresarios galegos na cidade brasileira pendentes de confirmación. Preténdese con estas reunións reforzar os lazos entre Santiago de Compostela e São Paulo de cara a manter aínda unhas mellores relacións turísticas e comerciais entre ambas cidades.
Santiago de Compostela, premiada en Brasil como mellor destino turístico internacional
24/03/2008 O concelleiro de Turismo, Promoción Económica, Comercio e Emprego, Xosé Manuel Iglesias, atópase na cidade de São Paulo (Brasil) para recoller o premio ao mellor destino turístico internacional que lle outorgaron a Santiago dentro do certame "Os 10 mais do Turismo de 2007". Este premio, de grande relevancia no Brasil, é convocado pola Revista Brasil Travel News e a Associaçao Brasileira de Agências de Viagens, co apoio de outras moitas entidades e institucións: ABIH São Paulo ABRAJET São Paulo, ABRARJ, ANETUR, BRAZTOA, FAVECC, FNACTUR, o São Paulo Convention & Visitors Bureau e a Secretaria de Estado de Esporte, Lazer e Turismo do Governo de Estado de São Paulo.
Este premio, que se vén convocando dende hai 23 anos, recoñece a empresas, personalidades e destinos turísticos e para a escolla dos elexidos, que fai un tribunal de persoeiros do sector, avaliase o desempeño comercial, a capacidade de innovación a creatividade e o éxito nas distintas actividades.Os premiados nesta edición son, entre outros, Marta Suplicy, ministra de Turismo do Brasil; Érica Drumond, secretaria de Turismo do Governo de Minas Gerais; o Complexo Turístico Itaipu; a Federação Brasileira de Convention & Visitors Bureaux e a Fort Worth C&VB. No apartado de destinos turísticos foron elixidos como mellor destino nacional, Santa Catalina, e como mellor destino internacional, Santiago de Compostela.
Á entrega de premios asistirán personalidades do sector, os presidentes de compañías aéreas Tap-Air, Tam e Gol, axentes de viaxes, touroperadores e prensa especializada. De aí a relevancia de que Compostela fora recoñecida con este premio e que estea presente neste evento de gran relevancia na cidade. São Paulo é a maior cidade de Latinoamérica e son moitos os paulistanos que admiran o Camiño de Santiago e que cada ano visitan Compostela. É por iso, un estado estratéxico para o sector turístico da nosa cidade.
Aproveitando a súa estancia na cidade brasileira, o concelleiro de Promoción Económica e Turismo terá varias reunións de traballo con outros axentes. Así, xa está confirmado que será recibido pola directiva da Sociedade Hispano Brasileira, pola presidenta da Sociedade Beneficente Rosalía de Castro, e que manterá unha reunión con Nuria Pont, xerente da cámara Oficial Española de Comercio en Brasil. Hai outros contactos con empresarios galegos na cidade brasileira pendentes de confirmación. Preténdese con estas reunións reforzar os lazos entre Santiago de Compostela e São Paulo de cara a manter aínda unhas mellores relacións turísticas e comerciais entre ambas cidades.