ALCALDÍA
A nova rede de saneamento de Compostela consiste nun gran colector interceptor, que transportará as augas residuais ata a depuradora, e varios colectores xerais que verten as augas residuais e pluviais ao interceptor a través de instalacións de control e aliviadoiros que actúan en momentos de chuvias importantes.
O tramo do colector interceptor xeral do río Sar entre Pontepedriña e Ponte San Lázaro consta dunha tubería de 4,5 quilómetros de lonxitude, ao que se incorporan sete colectores secundarios de 2,5 quilómetros. A totalidade execútase con tubería de formigón armado con diámetros comprendidos entre 1.000 e 1.200 milímetros. A actuación complementarase con pozos de rexistro e catro aliviadoiros-estanque de tormenta.
O segundo tramo, que unirá Pontepedriña e a EDAR, terá un interceptor xeral de 5,7 quilómetros de lonxitude, que substitúe ao existente, e de sete incorporacións secundarias de 3,6 quilómetros, que recollen os vertidos de diversas zonas da comarca, como Conxo, Fervenza, Milladoiro, Vidán, Brandía ou Laraño.
Completarán este tramo a construción de seis aliviadoiros de tormentas, catro arquetas de control de incorporacións e unha obra especial de conexión do colector do Sarela. Este tramo está en fase de licitación, estando prevista para marzo a apertura das propostas económicas. O seu orzamento ascende a preto de 30 millóns de euros.
Finalmente, a depuradora de Santiago, cuxo estudo de alternativas e anteproxecto están sendo redactados pola Confederación Hidrográfica do Norte, é a peza clave do futuro saneamento da capital galega. Esta depuradora, que se situará preto da actual, estará deseñada para tratar os vertidos dunha poboación equivalente a 246.000 habitantes. Esta instalación garantirá unha integración ambiental e social completa co entorno no que se sitúa.
Despois de visitar as obras, o alcalde destacou o esforzo inversor e a "extraordinaria atención" do Ministerio de Medio Ambiente. Pola súa parte, a ministra referiuse á transcendencia destas obras e á súa importancia para "reducir a contaminación e reutilizar a auga".
Congreso sobre cambio climático
Antes desta visita, no Palacio de Congresos, o alcalde e a ministra estiveron na inauguración do congreso "Medio Rural, Agricultura e Cambio Climático", organizado por Unións Agrarias. Destacados investigadores de prestixio internacional abordarán entre o 28 e o 29 de febreiro as variacións e necesidades de adaptación que introducirá o cambio climático. No evento debaterase tamén sobre o papel da agricultura como sumidoiro de carbono e sobre o papel dos agricultores e gandeiros como parte da solución ao cambio climático.
Neste encontro póñense en contacto profesionais do sector agrario galego con expertos no campo da investigación do cambio climático, das administracións e das universidades. Unha boa oportunidade para tomar conciencia do impacto do cambio climático no sector agroforestal e no medio rural de Galicia.
O tramo do colector entre Pontepedriña e a depuradora entra na última fase de licitación
28/02/2008 O alcalde compostelán, Xosé A. Sánchez Bugallo, e a ministra de Medio Ambiente, Cristina Narbona, visitaron as obras de mellora do colector interceptor do río Sar no tramo entre Pontepedriña e Ponte San Lázaro. Esta actuación supón un investimento de máis de 8 millóns de euros.
Ao tramo visitado uniráselle en breve o que discorre entre Pontepedriña e a depuradora da Silvouta, que está na fase da súa licitación, e a nova depuradora, que se atopa na fase de tramitación ambiental. Todas estas obras implican un investimento de 78,3 millóns de euros, incluídos no programa AGUA do Ministerio de Medio Ambiente.A nova rede de saneamento de Compostela consiste nun gran colector interceptor, que transportará as augas residuais ata a depuradora, e varios colectores xerais que verten as augas residuais e pluviais ao interceptor a través de instalacións de control e aliviadoiros que actúan en momentos de chuvias importantes.
O tramo do colector interceptor xeral do río Sar entre Pontepedriña e Ponte San Lázaro consta dunha tubería de 4,5 quilómetros de lonxitude, ao que se incorporan sete colectores secundarios de 2,5 quilómetros. A totalidade execútase con tubería de formigón armado con diámetros comprendidos entre 1.000 e 1.200 milímetros. A actuación complementarase con pozos de rexistro e catro aliviadoiros-estanque de tormenta.
O segundo tramo, que unirá Pontepedriña e a EDAR, terá un interceptor xeral de 5,7 quilómetros de lonxitude, que substitúe ao existente, e de sete incorporacións secundarias de 3,6 quilómetros, que recollen os vertidos de diversas zonas da comarca, como Conxo, Fervenza, Milladoiro, Vidán, Brandía ou Laraño.
Completarán este tramo a construción de seis aliviadoiros de tormentas, catro arquetas de control de incorporacións e unha obra especial de conexión do colector do Sarela. Este tramo está en fase de licitación, estando prevista para marzo a apertura das propostas económicas. O seu orzamento ascende a preto de 30 millóns de euros.
Finalmente, a depuradora de Santiago, cuxo estudo de alternativas e anteproxecto están sendo redactados pola Confederación Hidrográfica do Norte, é a peza clave do futuro saneamento da capital galega. Esta depuradora, que se situará preto da actual, estará deseñada para tratar os vertidos dunha poboación equivalente a 246.000 habitantes. Esta instalación garantirá unha integración ambiental e social completa co entorno no que se sitúa.
Despois de visitar as obras, o alcalde destacou o esforzo inversor e a "extraordinaria atención" do Ministerio de Medio Ambiente. Pola súa parte, a ministra referiuse á transcendencia destas obras e á súa importancia para "reducir a contaminación e reutilizar a auga".
Congreso sobre cambio climático
Antes desta visita, no Palacio de Congresos, o alcalde e a ministra estiveron na inauguración do congreso "Medio Rural, Agricultura e Cambio Climático", organizado por Unións Agrarias. Destacados investigadores de prestixio internacional abordarán entre o 28 e o 29 de febreiro as variacións e necesidades de adaptación que introducirá o cambio climático. No evento debaterase tamén sobre o papel da agricultura como sumidoiro de carbono e sobre o papel dos agricultores e gandeiros como parte da solución ao cambio climático.
Neste encontro póñense en contacto profesionais do sector agrario galego con expertos no campo da investigación do cambio climático, das administracións e das universidades. Unha boa oportunidade para tomar conciencia do impacto do cambio climático no sector agroforestal e no medio rural de Galicia.