TURISMO
Excursión temática e menús especiais
O mesmo sábado 15 pola mañá, todas aquelas persoas interesadas no mundo do polbo poderán achegarse a el máis en profundidade participando nunha excursión a Fisterra que inclúe a asistencia a unha poxa na lonxa.
Ademais, ata final de mes, máis de 20 restaurantes de Santiago de Compostela continuarán ofrecendo menús e pratos especiais elaborados a base de polbo. Os clientes só teñen que pedir a carta "Santiago de Compostela. Repetirás" nos restaurantes que amosen o distintivo de establecementos colaboradores.
Ultima oportunidade para aprender a cociñar polbo cos mellores cociñeiros galegos
13/12/2007 Antonio Botana, chef e propietario do restaurante Pandemonium (Cambados), impartirá o sábado 15 de decembro ás 18:00 horas, na Galería Sargadelos, o último obradoiro sobre a cociña do polbo de "Santiago de Compostela. Repetirás". Botana realizará en directo as súas especialidades, explicando o proceso seguido, de xeito que cada asistente poida repetir a experiencia na súa propia cociña.
Antonio Botana forma parte do reputado Grupo Nove e ten recibido variados galardóns e recoñecementos polo seu bo facer na cociña. Entre os pratos estrela do seu restaurante está o polbo cocido a baixa temperatura. Cómpre lembrar que todo o polbo cociñado durante este mes nos obradoiros de "Santiago de Compostela. Repetirás" é cedido pola Confraría de Pescadores de Bueu, que vén de por en marcha a marca "Polbo das Rías", que garante a orixe galega deste polbo.Excursión temática e menús especiais
O mesmo sábado 15 pola mañá, todas aquelas persoas interesadas no mundo do polbo poderán achegarse a el máis en profundidade participando nunha excursión a Fisterra que inclúe a asistencia a unha poxa na lonxa.
Ademais, ata final de mes, máis de 20 restaurantes de Santiago de Compostela continuarán ofrecendo menús e pratos especiais elaborados a base de polbo. Os clientes só teñen que pedir a carta "Santiago de Compostela. Repetirás" nos restaurantes que amosen o distintivo de establecementos colaboradores.