A Asociación Compostelá de Diabéticos fai fincapé este ano na detección da enfermidade en nenos e adolescentes

SANIDADE

Durante todo o día a asociación de diabéticos realizou probas para a detección da enfermidade.

14/11/2007 Como cada 14 de novembro, xornada na que se celebra o Día Mundial da Diabete Mellitus, a Asociación Compostelá de Diabéticos leva a cabo unha serie de actividades divulgativas entre a poboación coa finalidade de dar a coñecer mellor a enfermidade.
Con este motivo, instalaron unha mesa informativa na praza do Toural ata a que se achegou o alcalde de Santiago, Xosé A. Sánchez Bugallo, acompañado da concelleira de Benestar Social, Mar Martín, para apoiar a iniciativa da asociación compostelá.

Durante todo o día a carpa instalada na praza do Toural acolleu unha serie de actividades organizadas pola asociación co fin de que a poboación coñeza a problemática que a diabete presenta nos pacientes. Así mesmo realizaron de xeito gratuíto e a todo aquel que o solicitaba a proba que dectecta o risco desta enfermidade, mediante un simple pinchazo nun dedo.

Este ano o Día Mundial da Diabete céntrase na importancia de detectar a enfermidade o antes posible en nenos e adolescentes para previr problemas futuros como poden ser mortes ou discapacidades.