PROMOCIÓN ECONÓMICA
Compostela conta co aeroporto máis importante de Galicia. A capital galega ten tamén unha ampla rede hoteleira que permitiría hospedar a todos os participantes na Semana da Moda. Ademais, a celebración do evento en Compostela, polo lugar central que ocupa e a rede de estradas existentes, permitiría que acudisen facilmente entidades e persoas de toda Galicia aos desfiles e, do mesmo xeito, permitiría que os participantes no evento poidesen desprazarse a outros lugares.
Compostela é a capital de Galicia e a enseña da cultura galega. Santiago, coa súa catedral como referencia, é a imaxe máis coñecida e valorada de Galicia no mundo. Ademáis, é a cidade máis visitada do noso país por persoas foráneas. Por iso, dende a concellaría que dirixe Xosé Manuel Iglesias considérase que un xeito eficaz de promocionar unha semana da moda de Galicia no exterior sería mediante a organización de desfiles nas rúas do Casco Histórico compostelán, incluíndo as Prazas do Obradoiro e da Quintana.
Santiago ofrécese para acoller a Semana da Moda de Galicia
29/08/2007 A capital de Galicia conta coas mellores infraestruturas de comunicación e hoteleiras para a organización do evento. Así mesmo, a Semana da Moda de Galicia obtería maior repercusión mediática mundial ao ser Compostela unha cidade con gran proxección internacional.
A Concellaría de Promoción Económica, Emprego, Comercio e Turismo ofrece Santiago como a cidade onde se pode desenvolver a Semana da Moda de Galicia, iniciativa da Xunta. O obxectivo desta Semana da Moda é promocionar o sector textil galego en todo o mundo. A organización do evento en Santiago, escaparate de Galicia e porta do noso país ao mundo, conseguiría un forte impacto promocional da nosa industria textil en todo o planeta.Compostela conta co aeroporto máis importante de Galicia. A capital galega ten tamén unha ampla rede hoteleira que permitiría hospedar a todos os participantes na Semana da Moda. Ademais, a celebración do evento en Compostela, polo lugar central que ocupa e a rede de estradas existentes, permitiría que acudisen facilmente entidades e persoas de toda Galicia aos desfiles e, do mesmo xeito, permitiría que os participantes no evento poidesen desprazarse a outros lugares.
Compostela é a capital de Galicia e a enseña da cultura galega. Santiago, coa súa catedral como referencia, é a imaxe máis coñecida e valorada de Galicia no mundo. Ademáis, é a cidade máis visitada do noso país por persoas foráneas. Por iso, dende a concellaría que dirixe Xosé Manuel Iglesias considérase que un xeito eficaz de promocionar unha semana da moda de Galicia no exterior sería mediante a organización de desfiles nas rúas do Casco Histórico compostelán, incluíndo as Prazas do Obradoiro e da Quintana.