TURISMO
Para Iglesias, "o fundamental é valorar os resultados no conxunto da comunidade, porque é sen dúbida unha boa nova saber que os aeroportos galegos gañaron 78.818 pasaxeiros en xullo, cun importante crecemento do 20,3% sobre o mesmo mes do 2006".
Balance do ano
O aumento da actividade das terminais galegas, que de feito duplica á do resto dos aeroportos españois, "permite estimar en case 4,7 millóns de pasaxeiros o resultado final do ano para os tres aeroportos e fala dos bos resultados que pode agardar o turismo este ano", apuntou Iglesias.
Lavacolla acumula 1.148.679 pasaxeiros nos primeiros sete meses do ano, 32.000 máis que no 2006. Segundo Iglesias, "isto permite prever que Lavacolla superará este ano a meta dos dous millóns de pasaxeiros e establecerá unha marca na historia dos aeroportos galegos".
"Hai que subliñar que este bo comportamento do aeródromo compostelán é só un dos datos do excelente desenvolvemento do turismo na cidade", explicou o concelleiro. "Isto reflíctese nas taxas de ocupación, que superan amplamente ás dos anos precedentes (en xullo, por exemplo, creceu 3,6 puntos sobre 2006); pero tamén na multiplicación dos servizos turísticos e no seu uso intensivo, na incesante actividade hostaleira e na imaxe de cidade activa e hospitalaria que percibe nas rúas compostelás".
Lavacolla multiplica por 4,5 os viaxeiros internacionais dos outros aeroportos galegos
17/08/2007 En palabras do concelleiro de Promoción Económica, Comercio, Emprego e Turismo de Santiago, Xosé Manuel Iglesias, en xullo o aeroporto de Lavacolla demostrou unha vez máis o seu carácter de líder galego, superando en máis de 80.000 viaxeiros a Alvedro e en 70.000 a Peinador.
Con 202.913 pasaxeiros rexistrados en xullo, dos que 161.641 corresponden a voos nacionais e 41.271 a internacionais, "Lavacolla segue sendo o aeroporto de referencia de Galicia", sinalou o responsable municipal do turismo compostelán, Xosé Manuel Iglesias. A diferencia cos outros dous aeroportos é maior aínda centrándose nos viaxeiros internacionais, segmento no que Santiago multiplica por 4,5 as estatísticas de calquera deles dous.Para Iglesias, "o fundamental é valorar os resultados no conxunto da comunidade, porque é sen dúbida unha boa nova saber que os aeroportos galegos gañaron 78.818 pasaxeiros en xullo, cun importante crecemento do 20,3% sobre o mesmo mes do 2006".
Balance do ano
O aumento da actividade das terminais galegas, que de feito duplica á do resto dos aeroportos españois, "permite estimar en case 4,7 millóns de pasaxeiros o resultado final do ano para os tres aeroportos e fala dos bos resultados que pode agardar o turismo este ano", apuntou Iglesias.
Lavacolla acumula 1.148.679 pasaxeiros nos primeiros sete meses do ano, 32.000 máis que no 2006. Segundo Iglesias, "isto permite prever que Lavacolla superará este ano a meta dos dous millóns de pasaxeiros e establecerá unha marca na historia dos aeroportos galegos".
"Hai que subliñar que este bo comportamento do aeródromo compostelán é só un dos datos do excelente desenvolvemento do turismo na cidade", explicou o concelleiro. "Isto reflíctese nas taxas de ocupación, que superan amplamente ás dos anos precedentes (en xullo, por exemplo, creceu 3,6 puntos sobre 2006); pero tamén na multiplicación dos servizos turísticos e no seu uso intensivo, na incesante actividade hostaleira e na imaxe de cidade activa e hospitalaria que percibe nas rúas compostelás".