PROMOCIÓN ECONÓMICA
Dous dos proxectos presentáronse conxuntamente ás tres modalidades, ao cumprir os requisitos de ser promovidos por mulleres tituladas en FP. Outros 18 presentáronse á edición xeral e a promovida por mulleres, e tres á edición xeral e a promovida por titulados en FP. Todos os proxectos concursan na edición xeral do certame.
No concurso está dirixidos ás persoas físicas ou xurídicas que teñen un proxecto empresarial que no momento de presentar a solicitude non iniciara a súa actividade. A información relativa ao certame pódese atopar na páxina web da Concellaría de Promoción Económica, www.maiscompostela.org. Nesta mesma páxina, no microsite de Compostela Activa, tamén poden obter unha completa información sobre programas e actividades de apoio ao emprendemento desenvolvidas no marco do programa Compostela Activa, promovido pola Concellaría que dirixe o nacionalista Xosé Manuel Iglesias.
A valoración dos proxectos será realizada por unha comisión de expertos en base aos seguintes criterios: que a persoa física ou membros da sociedade proveñan dunha situación de desemprego, que estea/n censados no Concello de Santiago, que a actividade empresarial a desenvolver se enmarque nos sectores de novas tecnoloxías da información e a comunicación, servizos medioambientais, servizos culturais e de lecer, servizos á comunidade, sectores emerxentes ou novos filóns de emprego. Tamén se valorará a utilización de recursos da zona, o emprego xerado, as mulleres contratadas, a contribución á inserción de colectivos en situación desfavorable para a integración sociolaboral ou en situación de risco ou exclusión social.
O Concurso de Novas Ideas Empresariais recibe 52 solicitudes de participación de 27 proxectos
19/07/2007 O Concurso de novas ideas empresariais Compostela Activa 2007 recibiu 52 solicitudes de participación procedentes de 27 proxectos empresariais. O volume de inscricións incrementouse un 62,9% respecto á edición do 2006, á que se presentaron 17 proxectos. O obxectivo do certame que desenvolve a Concellaría de Promoción Económica, Emprego, Comercio e Turismo, é estimular e apoiar a persoas que teñen unha idea de negocio, facilitándolles a posta en marcha do proxecto empresarial. O prazo de presentación de solicitudes rematou o 14 de xullo.
O concurso divídese en tres modalidades. Á de Novas Ideas empresariais edición xeral presentáronse 27 solicitudes, á de Novas Ideas empresariais promovidas por mulleres 20 e, á de novidade desta edición, a Novas Ideas Empresariais promovidas por titulados en Formación Profesional (só se contabilizan os titulados a partir do 1 de xaneiro do 2006) cinco solicitudes. En cada unha das modalidades establécense tres premios en metálico: o primeiro de 5.000 euros, o segundo de 4.000 euros e o terceiro de 3.000 euros. Este ano o Concurso de novas ideas empresariais Compostela Activa 2007 conta cun orzamento de 36.000 euros.Dous dos proxectos presentáronse conxuntamente ás tres modalidades, ao cumprir os requisitos de ser promovidos por mulleres tituladas en FP. Outros 18 presentáronse á edición xeral e a promovida por mulleres, e tres á edición xeral e a promovida por titulados en FP. Todos os proxectos concursan na edición xeral do certame.
No concurso está dirixidos ás persoas físicas ou xurídicas que teñen un proxecto empresarial que no momento de presentar a solicitude non iniciara a súa actividade. A información relativa ao certame pódese atopar na páxina web da Concellaría de Promoción Económica, www.maiscompostela.org. Nesta mesma páxina, no microsite de Compostela Activa, tamén poden obter unha completa información sobre programas e actividades de apoio ao emprendemento desenvolvidas no marco do programa Compostela Activa, promovido pola Concellaría que dirixe o nacionalista Xosé Manuel Iglesias.
A valoración dos proxectos será realizada por unha comisión de expertos en base aos seguintes criterios: que a persoa física ou membros da sociedade proveñan dunha situación de desemprego, que estea/n censados no Concello de Santiago, que a actividade empresarial a desenvolver se enmarque nos sectores de novas tecnoloxías da información e a comunicación, servizos medioambientais, servizos culturais e de lecer, servizos á comunidade, sectores emerxentes ou novos filóns de emprego. Tamén se valorará a utilización de recursos da zona, o emprego xerado, as mulleres contratadas, a contribución á inserción de colectivos en situación desfavorable para a integración sociolaboral ou en situación de risco ou exclusión social.